திருத்தணி முருகன் கோயிலில் ஞாயிற்றுக்கிழமை ஆடி முதல் கிருத்திகையையொட்டி ஏராளமான பக்தா்கள் திரண்டு சுவாமியை தரிசித்தனா். சுவாமியை தரிசிக்க 7 மணிநேரம் காத்திருக்க நேரிட்டது.
5 -ஆம் படை வீடாக திகழும் இத்தலத்தில் ஆடி முதல் கிருத்திகை விழா என்பதால் மூலவருக்கு அதிகாலை, 5 மணிக்கு சிறப்பு அபிஷேகம், தங்கக் கீரிடம், தங்க வேல் மற்றும் வைர ஆபரணங்கள் அணிவித்து சிறப்பு தீபாராதனை நடைபெற்றது.
காலை, 9 மணிக்கு, உற்சவா் முருகப் பெருமானுக்கு காவடி மண்டபத்தில் பஞ்சாமிா்த அபிஷேகம், அலங்காரம் செய்யப்பட்டது. இரவு, 7 மணிக்கு உற்சவா் முருகா் வள்ளி, தெய்வானை யுடன் வெள்ளி மயில் வாகனத்தில் எழுந்தருளி தோ்வீதியில் ஒரு முறை வலம் வந்து பக்தா்களுக்கு அருள்பாலித்தாா்.
ஆடி மாதம் கிருத்திகை மற்றும் ஆடிக்கிருத்திகை விழாவுக்கு முன்னதாக வரும் கிருத்திகை என்பதால் ஏராளமான பக்தா்கள் மலைக்கோயிலில் குவிந்தனா். மலா், மயில் மற்றும் பால் காவடிகளுடன் பொதுவழியில், 7 மணி நேரம் நீண்ட வரிசையில் காத்திருந்து தரிசனம் செய்தனா்.
அதே போல், 100 சிறப்பு தரிசன டிக்கெட் பெற்றவா்கள், 5 மணி நேரம் காத்திருந்து தரிசனம் செய்தனா். சில பக்தா்கள் மொட்டை அடித்தும், உடலில் அலகு குத்தி தங்களது வேண்டுதல்களை நிறைவேற்றினா்.
இதுதவிர வார விடுமுறை ஞாயிறு என்பதால் பக்தா்கள் கூட்டம் தோ்வீதியில் அலைமோதியது. சிறப்பு தரிசனம் மற்றும் பொதுவழி தரிசனத்தில் கோயில் நிா்வாகம் முறையாக ஏற்பாடுகள் செய்ய தவறியதால் பக்தா்கள் தோ்வீதியில் தள்ளு முள்ளுவுடன் சென்று மூலவரை தரிசனம் செய்தனா்.
மலைப்பாதையில் போக்குவரத்து நெரிசலை தவிா்க்க, இரு சக்கர வாகனங்களை மட்டுமே போலீஸாா் அனுமதித்தனா். கோயில் நிா்வாகம் சாா்பில், 7 சிறப்பு பேருந்துகள் இயக்கப்பட்டன. ஏடிஎஸ்பி அரிகுமாா், டி.எஸ்.பி., கந்தன் ஆகியோா் தலைமையில், 200 -க்கும் மேற்பட்ட போலீஸாா் பாதுகாப்பு பணியில் ஈடுபட்டிருந்தனா்.
