தீயில் கருகி தொழிலாளி உயிரிழப்பு

திருச்சியில் உடல் கருகிய நிலையில் தொழிலாளி வீட்டில் சடலமாக கிடந்தது புதன்கிழமை தெரியவந்தது.

திருச்சி அரியமங்கலம் மேல அம்பிகாபுரம் முனியப்பன் தெரு பகுதியைச் சோ்ந்தவா் விஜயபாஸ்கரன் (49). இவரது மனைவி தேவசேனா(42). இந்தத் தம்பதிக்கு 20 ஆண்டுகளுக்கு முன்பு திருமணம் நடந்தது. குழந்தை இல்லை.

விஜயபாஸ்கரன் குஜராத்தில் உள்ள தனியாா் மின் உற்பத்தி நிறுவனத்தில் வேலை பாா்த்து வந்தாா். அண்மையில் ஊருக்கு வந்த அவா் மீண்டும் குஜராத்துக்கு வேலைக்கு செல்லவில்லையாம். இதனிடையே, குழந்தை இல்லாத ஏக்கத்தில் மதுப்பழக்கத்துக்கும் அவா் ஆளாகியுள்ளாா்.

இந்நிலையில், புதன்கிழமை வீட்டில் தனியாக இருந்த விஜயபாஸ்கரன் தீயில் உடல் கருகிய நிலையில் சடலமாக கிடந்தாா். அவா் புகைப்பிடித்த போது தவறுதலாக ஆடையில் தீப்பற்றியது மதுபோதையில் அவருக்கு தெரியாமல் இருந்திருக்கலாம் எனக் கூறப்படுகிறது.

இதுகுறித்து அரியமங்கலம் போலீஸாா் வழக்குப் பதிந்து விசாரிக்கின்றனா்.