தொழிலதிபரிடம் ரூ.10 லட்சம் மோசடி: 2 பெண்கள் உள்ளிட்ட 4 போ் மீது வழக்குப் பதிவு

கோவையில் தொழிலதிபரிடம் ரூ. 10 லட்சம் மோசடியில் ஈடுபட்டதாக 2 பெண்கள் உள்ளிட்ட 4 போ் மீது போலீஸாா் வழக்குப் பதிவு செய்துள்ளனா்.

நாமக்கல் மாவட்டம், திருச்செங்கோடு சித்தாராம்பாளையம், முனியப்பகாரன் தோட்டம் பகுதியைச் சோ்ந்தவா் ஜெயராஜ் (43), தொழிலதிபா். இவருக்கு சிங்காநல்லூா்-திருச்சி சாலையில் குளியலறை கருவிகள் விற்பனை நிறுவனம் நடத்தி வரும் சுரேஷ், பாலச்சந்திரன், விஜயலட்சுமி, நந்தினி ஆகியோா் அறிமுகமாகியுள்ளனா்.

அப்போது, தங்கள் தொழிலில் முதலீடு செய்தால் அதிக பணம் கிடைக்கும் எனக் கூறியுள்ளனா். இதை நம்பிய ஜெயராஜ் அவா்களிடம் ரூ.10 லட்சத்தைக் கொடுத்துள்ளாா்.

ஆனால், அவா்கள் கூறியபடி லாபத் தொகை தரவில்லையாம். கொடுத்த பணத்தை ஜெயராஜ் கேட்டபோது, அவா்கள் மிரட்டியதாகக் கூறப்படுகிறது. இதுகுறித்து சிங்காநல்லூா் காவல் நிலையத்தில் ஜெயராஜ் புகாா் அளித்தாா். இதையடுத்து, அவா்கள் 4 போ் மீதும் வழக்குப் பதிவு செய்த போலீஸாா் விசாரணை நடத்தி வருகின்றனா்.