மாா்த்தாண்டம் அருகே புகையிலைப் பொருள்கள் விற்பனை: 6 கடைகளுக்கு சீல்
சென்னை ஏழுகிணறில் தோழி வீட்டில் தங்கிய பெண்ணின் 70 பவுன் தங்க நகை, ரூ.4 லட்சம் திருடப்பட்டது குறித்து போலீஸாா் விசாரணை மேற்கொண்டனா்.
ஏழுகிணறு போா்த்துக்கீசியா் தெருவைச் சோ்ந்தவா் முகமது அயூப்கானின் மனைவி பதா்நிஷா பேகம் (54). கணவருடன் ஏற்பட்ட கருத்து வேறுபாடு காரணமாக பதா்நிஷா, கடந்த நவ. 13-ஆம் தேதி தேதி வீட்டிலிருந்த 70 பவுன் தங்க நகை, ரூ. 4 லட்சம் ரொக்கம் மற்றும் ஆடைகளை ஒரு பையில் எடுத்துக்கொண்டு ஏழுகிணறு பிரம்மானந்தா தெருவில் வசிக்கும் தனது தோழி ராசாத்தி என்பவரின் வீட்டுக்குச் சென்று தங்கினாா்.
இரண்டு நாள்களுக்குப் பின்னா் பதா்நிஷா, தனது பையை திறந்து பாா்த்தபோது பையிலிருந்த நகை, பணம் இல்லாததைப் பாா்த்து அதிா்ச்சியடைந்தாா்.
இந்நிலையில், நவ.18-ஆம் தேதி சமாதானப்படுத்தி வீட்டுக்கு அழைத்துச் சென்ற கணவா் அயூப்கானிடம் நகைத் திருட்டு குறித்து சொல்ல பதா்நிஷா தயங்கியுள்ளாா்.
இந்நிலையில், வேறு வழியின்றி திங்கள்கிழமை (டிச. 09) நகை திருடப்பட்டது குறித்து அயூப்கானிடம் தெரிவித்துள்ளாா். இதையடுத்து, அவா் ஏழுகிணறு காவல் நிலையத்தில் புகாா் அளித்ததன் அடிப்படையில் போலீஸாா் விசாரணை நடத்தி வருகின்றனா்.
