நகரப் பகுதியில் முகாமிட்டுள்ள காட்டு யானை

கூடலூா் நகரப் பகுதியில் இரண்டாவது நாளாக முகாமிட்டுள்ள காட்டு யானையால் மக்கள் அச்சமடைந்துள்ளனா்.

நீலகிரி மாவட்டம், கூடலூா் நகராட்சிக்கு உள்பட்ட நடுகூடலூரிலுள்ள குடியிருப்புகளுக்கு மத்தியில் உள்ள சோலையில் கடந்த 2 நாள்களாக ஒற்றை காட்டு யானை முகாமிட்டுள்ளது.

குடியிருப்பு பகுதியில் உலவும் காட்டு யானையால் மக்கள் அச்சமடைந்துள்ளனா்.

குடியிருப்புகள், தனியாா் விடுதி, தனியாா் மருத்துவமனை அமைந்துள்ள பகுதியில் இரவு, பகலாக யானை நின்றுகொண்டிருக்கிறது. இந்த யானையை அடா்ந்த வனப் பகுதிக்குள் விரட்ட வேண்டும் என்று பொதுமக்கள் கோரிக்கை விடுத்துள்ளனா்.