நடிகை கஸ்தூரியை தீவிரமாக தேடும் போலீஸார்... முன்ஜாமீன் கோரி மனுத் தாக்கல்..!

வன்கொடுமை தடுப்புச் சட்டம்போல் பிராமணர்களைப் பாதுகாக்க ஒரு புதிய சட்டம் இயற்ற வேண்டும் என்று மத்திய, மாநில அரசுகளை வலியுறுத்தி இந்து மக்கள் கட்சி சார்பில் சென்னை எழும்பூரில் கடந்த 3-ம் தேதி ஆர்ப்பாட்டம் நடைபெற்றது.

இந்த ஆர்ப்பாட்டத்தில் கலந்து கொண்டு பேசிய நடிகை கஸ்தூரி, தெலுங்கு பேசும் மக்கள் குறித்து சர்ச்சைக்குரிய வகையில் கருத்துகளை தெரிவித்தார். இதற்கு தெலுங்கு மக்கள் மத்தியில் கடும் எதிர்ப்பு தெரிவித்தனர். அதனால் நடிகை கஸ்தூரி, வருத்தம் தெரிவித்து பேட்டியும் கொடுத்தார். ஆனாலும் நடிகை கஸ்தூரி மீது நடவடிக்கை எடுக்கும்படி சென்னை, திருச்சி, தேனி, மதுரை ஆகிய மாவட்டங்களில் காவல் நிலையங்களில் புகார் கொடுக்கப்பட்டது. அதன்பேரில் நடிகை கஸ்தூரி மீது 4 மாவட்ட போலீஸார் வழக்குப்பதிவு செய்தனர். இதுதவிர, 9 மாவட்டங்களில் புகார்கள் கொடுக்கப்பட்டுள்ளன. இதுதவிர அரசு ஊழியர்களை அவதூறாக பேசியதாகவும் நடிகை கஸ்தூரி மீது புகார்கள் கொடுக்கப்பட்டுள்ளன.

சென்னை எழும்பூர் காவல் நிலையத்தில் அகில இந்திய தெலுங்கு சம்மேளனம் சார்பில் கொடுக்கப்பட்ட புகாரின் அடிப்படையில், நடிகை கஸ்தூரி மீது 4 சட்ட பிரிவுகளின் கீழ் வழக்குப்பதிவு செய்யப்பட்டு விசாரணை நடந்து வருகிறது. இந்த வழக்கில் நடிகை கஸ்தூரிக்கு எழும்பூர் போலீஸார் சம்மன் அனுப்பினர். ஆனால் நடிகை கஸ்தூரியின் சென்னை போயஸ்கார்டனில் உள்ள வீடு பூட்டியுள்ளது. அதனால் நடிகை கஸ்தூரி பயன்படுத்தும் செல்போனில் அவரை போலீஸார் தொடர்பு கொண்டபோது அதுவும் ஸ்விட்ச் ஆஃப் செய்யப்பட்டிருந்தது. இதையடுத்து நடிகை கஸ்தூரியிடம் விசாரணை நடத்த அவர் எங்கு இருக்கிறார் என போலீஸார் தேடிவருகிறார்கள்.

இதற்கிடையில் நடிகை கஸ்தூரி தரப்பில் சென்னை உயர்நீதிமன்றம் மதுரை கிளையில் முன்ஜாமீன் கேட்டு மனுவும் தாக்கல் செய்யப்பட்டுள்ளது. அந்த மனு மீது நீதிமன்றம் என்ன நடவடிக்கை எடுக்கிறதோ அதன்பிறகே நடிகை கஸ்தூரி மீது சட்டப்படி நடவடிக்கை எடுக்க முடியும் என்று போலீஸார் தெரிவித்தனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...https://tinyurl.com/crf99e88

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/crf99e88