நாகூா் கந்தூரி விழாவுக்கு சந்தனக் கட்டைகள்: துணை முதல்வருக்கு நன்றி

நாகூா் தா்கா கந்தூரி விழாவுக்கு, சந்தனக் கட்டைகள் வழங்க நடவடிக்கை எடுத்த துணை முதல்வருக்கு, தா்கா நிா்வாகம் நன்றி தெரிவித்துள்ளது.

ஆண்டுதோறும் நாகூா் தா்கா கந்தூரி விழாவுக்கு, தமிழக அரசு சாா்பில் 45 கிலோ சந்தனக் கட்டைகள் வழங்கப்படும். இந்த சந்தனக் கட்டை பாரம்பரிய முறைப்படி அரைக்கப்பட்டு, சந்தனம் பூசம் நிகழ்வுக்கு பயன்படுத்தப்படும்.

நிகழாண்டு விழாவுக்கான சந்தனக் கட்டைகளை விரைவில் வழங்க நடவடிக்கை எடுக்கும்படி, நாகூா் தா்கா ஆலோசனைக் குழுத் தலைவா் சையது முகமது கலிபா சாகிப், துணை முதல்வா் உதயநிதி ஸ்டாலின் அலுவலகத்தில் கோரிக்கை வைத்திருந்தாா்.

இந்நிலையில், கடந்த இருதினங்களுக்கு முன்பு முதல்வா் மு.க. ஸ்டாலின், தா்கா நிா்வாகக் குழு மற்றும் தா்கா பிரசிடெண்ட் ஆகியோரை சென்னைக்கு அழைத்து சந்தனக் கட்டைகள் வழங்குவதற்கான அரசாணை வழங்கினாா்.

இதையொட்டி, துணை முதல்வா் உதயநிதி ஸ்டாலினை, நாகூா் தா்கா ஆலோசனைக் குழுத் தலைவா் சையது முகமது கலிபா சாகிப் வெள்ளிக்கிழமை நேரில் சந்தித்து நன்றி தெரிவித்தாா். அப்போது, நாகூா் தா்காவிற்கு தேவைப்படும் உதவிகள் குறித்தும் நாகூரின் மேம்பாடு குறித்தும் கோரிக்கை விடுத்ததாக அவா் தெரிவித்தாா்.