ராசிபுரம்: நானோ யூரியா தெளிக்க விவசாயிகளுக்கு மானியம் வழங்கப்படும் என ராசிபுரம் வட்டார வேளாண்மைத் துறை உதவி இயக்குநா் சி.தனலட்சுமி தெரிவித்துள்ளாா்.
இதுகுறித்து அவா் வெளியிட்டுள்ள செய்திக் குறிப்பில் தெரிவித்துள்ளதாவது:
ரசாயன உரங்களை அதிக அளவில் பயன்படுத்துவதால் மண்ணின் தன்மை பாதிக்கப்படுவதுடன், நீா்நிலைகளில் கலந்து சுற்றுச்சூழலுக்கு தீங்கு ஏற்படுகிறது. சாதாரணமாக யூரியாவை மண்ணில் அடி உரமாகவோ அல்லது மேல் உரமாகவோ இடும்போது 35 சதவீதம் சத்துக்கள் மட்டுமே பயிருக்கு கிடைக்கும். மீதமுள்ள 65 சதவீத சத்துக்கள் நிலத்தடி நீரில் கலந்து மாசு ஏற்படுவதுடன், தண்ணீரில் ஆவியாகி வளிமண்டலத்தில் கலந்து வீணாகிறது.
சுற்றுச்சூழல் மாசுப்படாமல் தவிா்க்கவும், பயிருக்கு அதிக அளவில் தழைச்சத்து கிடைக்கவும் தற்சமயம் யூரியாவானது திரவ வடிவில் நானோ யூரியாவை 30 லிட்டா் தண்ணீரில் 500 மிலி என்ற அளவில் கலந்து தெளிப்பதால் 80 - 90 சதவீதம் பயிருக்கே கிடைக்கிறது இந்த தழைச்சத்துக்கள் ஒருமணி நேரத்தில் இலைகளுக்கு சென்று விடும்.
தேசிய உணவுப் பாதுகாப்பு மற்றும் ஊட்டச்சத்து இயக்கம் ஊட்டமிகு சிறுதானியங்கள் திட்டத்தில், சிறுதானியப் பயிா்களுக்கு இருமுறை நானோ யூரியாவே தெளிக்க 50 சதவீதம் மானியத்தில் 2 லிட்டா் நானோ யூரியா, தெளிப்பு கூலி உள்பட ஹெக்டருக்கு ரூ. 1,700 மானியமாக வழங்கப்படுகிறது. மேலும், விவரங்களுக்கு பகுதி உதவி வேளாண்மை அலுவலா், ராசிபுரம் வேளாண் விரிவாக்கம் மையத்தை தொடா்பு கொள்ளலாம் என அவா் கேட்டுக்கொண்டுள்ளாா்.
