பரமத்தி வேலூரில் ரூ. 9 லட்சத்துக்கு கொப்பரை ஏலம்

பரமத்தி வேலூா், வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில், ரூ. 9 லட்சத்து 45 ஆயிரத்துக்கு கொப்பரை ஏலம் போனது.

இந்த வாரம் வியாழக்கிழமை நடைபெற்ற ஏலத்துக்கு 7 ஆயிரத்து 215 கிலோ கொப்பரையை விவசாயிகள் கொண்டு வந்திருந்தனா். இதில் அதிகபட்சமாக கிலோ ஒன்று ரூ. 146.29-க்கும், குறைந்தபட்சமாக ரூ. 134.99-க்கும், சராசரியாக ரூ. 142.88-க்கும் ஏலம் போனது. இரண்டாம் தர கொப்பரை அதிகபட்சமாக ரூ. 130.33-க்கும், குறைந்தபட்சமாக ரூ. 101.99-க்கும், சராசரியாக ரூ. 128.08-க்கும் ஏலம் போனது. மொத்தம் ரூ. 9 லட்சத்து 45 ஆயிரத்து 165-க்கு கொப்பரை ஏலம் போனது.