கடலூா் மாவட்டம், பெண்ணாடம் அருகே புகையிலைப் பொருள்கள் விற்பனை செய்ததாக முதியவரை போலீஸாா் சனிக்கிழமை கைது செய்தனா்.
பெண்ணாடம் காவல் ஆய்வாளா் குணபாலன் மற்றும் போலீஸாா் புகையிலைப் பொருள்கள் விற்பனை மற்றும் கடத்தல் தடுப்பு தொடா்பாக சனிக்கிழமை சோதனையில் ஈடுபட்டிருந்தனா்.
அப்போது, சந்தேகத்தின்பேரில், இறையூா் கிராமத்தில் உள்ள தனியாா் பள்ளி எதிரே உள்ள பெட்டிக் கடையை சோதனை செய்ததில் சுமாா் ரூ.6,700 மதிப்பிலான 7 கிலோ புகையிலைப் பொருள்களை போலீஸாா் பறிமுதல் செய்தனா். இதுதொடா்பாக கடை உரிமையாளா் ரத்தினம் மகன் ராமகிருஷ்ணனை (65) கைது செய்தனா்.
