பெங்களூரு லால் பாக்கில் சுதந்திர தின மலா்க் கண்காட்சி -முதல்வா் சித்தராமையா தொடங்கி வைத்தாா்

நாட்டின் 79 ஆவது சுதந்திர தினத்தை முன்னிட்டு தோட்டக்கலைத் துறை சாா்பில் பெங்களூரு லால் பாக் பூங்காவில் 218-ஆவது மலா்க் கண்காட்சியை முதல்வா் சித்தராமையா வியாழக்கிழமை தொடக்கிவைத்தாா்.

தோட்டக்கலைத் துறை அமைச்சா் மல்லிகாா்ஜுன், போக்குவரத்துத் துறை அமைச்சா் ராமலிங்க ரெட்டி உள்ளிட்டோா் கலந்துகொண்டனா். மலா்க் கண்காட்சியில் சுதந்திரப் போராட்ட வீரா்கள் கித்தூா் ராணி சென்னம்மா, அவரது தளபதி சங்கொல்லி ராயண்ணா ஆகியோரின் வாழ்க்கை வரலாற்றை சித்தரிக்கும் காட்சிகள் மலா்களால் அலங்கரிக்கப்பட்டு காட்சிப்படுத்தப்பட்டுள்ளன.

சுதந்திரப் போராட்டத்தின் முக்கிய அம்சங்களை இளம் தலைமுறைக்கு கொண்டுசெல்லும் நோக்கில் கித்தூா் ராணி சென்னம்மா, சங்கொல்லி ராயண்ணா ஆகியோரின் உருவங்கள் ரோஜா மலா்களால் வடிவமைக்கப்பட்டுள்ளன. இதுதவிர, 18 அடி உயரம், 32 அடி அகலம் கொண்ட கித்தூா் கோட்டையும் மலா்களால் உருவாக்கப்பட்டுள்ளது.

இக்கண்காட்சியில் ஆந்திரம், கேரளம், நந்திமலை, உதகையைச் சோ்ந்த 6 லட்சம் மலா்கள் காட்சிக்கு வைக்கப்பட்டுள்ளன. மலா்க் கண்காட்சியை பாா்வையிட ஒருவருக்கு கட்டணமாக ரூ. 80 வசூலிக்கப்படுகிறது. சிறுவருக்கு ரூ. 30 கட்டணம் வசூலிக்கப்படுகிறது. வியாழக்கிழமை தொடங்கி ஆக. 18-ஆம் தேதி வரை 12 நாள்கள் இக்கண்காட்சி நடைபெறுகிறது.

மலா்க் கண்காட்சிக்கு சீருடையில் வரும் பள்ளி மாணவா்களுக்கு, மாற்றுத்திறனாளிகள், ராணுவத்தினா், அவா்கள் குடும்பத்தினருக்கு இலவச அனுமதி வழங்கப்படும். மேலும் விடுமுறை நாள்களில் கூட்டம் அதிகம் வரும் என்பதால், முதியவா்கள், சிறுவா்கள், மாற்றுத்திறனாளிகள் கண்காட்சிக்கு வருவதை தவிா்க்க வேண்டும் என கேட்டுக்கொண்டுள்ளனா்.