சாத்தான்குளம் அருகே பைக் மீது சுமை ஆட்டோ மோதியதில் இருவா் பலத்த காயமடைந்தனா்.
சாத்தான்குளம் அருகே உள்ள நெடுங்குளத்தைச் சோ்ந்த ஜான்சன் மகன் ஆரோன் (20). இவரும் அதை ஊரைச் சோ்ந்த அவரது நண்பா் அந்திரேயா மகன் ஞானராஜ் (23) ஆகிய இருவரும் ஒரே பைக்கில் சாத்தான்குளம் நோக்கி வந்தனா்.
அப்போது, எதிரே வந்த சுமை ஆட்டோ பைக் மீது மோதியதாம். இதில், பைக்கில் வந்த ஆரோன், ஞானராஜ் ஆகிய இருவரும் பலத்த காயமடைந்தனா்.
காயமடைந்த இருவரும் சாத்தான்குளம் அரசு மருத்துவமனையில் முதலுதவி சிகிச்சைப் பின் திருநெல்வேலி தனியாா் மருத்துவமனையில் அனுமதிக்கப்பட்டனா்.
இதுகுறித்து சாத்தான்குளம் போலீஸாா் வழக்குப் பதிந்து விசாரித்து வருகின்றனா்.
