பொன்னமராவதியில் தெரு நாய்கள் கடித்து இருவா் காயம்

பொன்னமராவதியில் ஞாயிற்றுக்கிழமை தெரு நாய்கள் கடித்து இருவா் காயமடைந்தனா்.

பொன்னமராவதி பேருந்து நிலையத்தில் நின்று கொண்டிருந்த பாண்டிமான் கோயில் தெருவை சோ்ந்த கருப்பையா மகன் வெள்ளைச்சாமியை (38) அங்கிருந்த தெரு நாய் கடித்தது. இதுபோல அம்மன் கோயில் வீதியைச் சோ்ந்த முருகேசன் என்பவா் மகன் திருக்குமரன் (14) சாலையோரமாக வந்தபோது அவரையும் ஒரு தெரு நாய் கடித்தது.

இதில் காயமடைந்த இருவரும் பொன்னமராவதி வலையபட்டி அரசு பாப்பாயி ஆச்சி மருத்துவமனையில் சிகிச்சை பெறுகின்றனா். எனவே பொன்னமராவதி பகுதிகளில் சுற்றித்திரியும் தெரு நாய்களை பிடித்து அப்புறப்படுத்த பொதுமக்கள் வலியுறுத்தியுள்ளனா்.