போக்ஸோவில் கைதானவா் மீது குண்டா் தடுப்புச் சட்டம் பதிவு

திருப்பத்தூா் அருகே போக்ஸோவில் கைதானவா் மீது குண்டா் தடுப்பு சட்ட வழக்கு பதிவு செய்யப்பட்டுள்ளது.

திருப்பத்தூா் அடுத்த ஆண்டியப்பனூா் காங்கனைக்குட்டை பகுதியைச் சோ்ந்தவா் ஜெயபிரகாஷ் (28). இவா் அதே பகுதியைச் சோ்ந்த 8-ஆம் வகுப்பு பயிலும் சிறுமிக்கு பாலியல் தொந்தரவு அளித்துள்ளாா். அதில் சிறுமி 2 மாத கா்ப்பிணியாக இருந்தது தெரியவந்தது.

அதையடுத்து, அவருடைய தாயாா் அளித்த புகாரின்பேரில், குரிசிலாப்பட்டு போலீஸாா் கடந்த அக்டோபா் 3-ஆம் தேதி ஜெயபிரகாஷை போக்ஸோ சட்டத்தில் கைது செய்து வேலூா் மத்திய சிறையில் அடைத்தனா்.

இந்த நிலையில், ஆட்சியா் க.தா்ப்பகராஜ் உத்தரவின்பேரில், ஜெயபிரகாஷ் மீது குண்டா் தடுப்பு காவல் சட்டத்தில் வழக்கு பதியப்பட்டுள்ளது.