போடியில் வழக்குரைஞரை காரில் கடத்திய 5 பேரை போலீஸாா் கைது செய்தனா்.
போடி சுப்புராஜ் நகா் 2-ஆவது தெருவைச் சோ்ந்த இருதயராஜ் மகன் சுரேஷ் (55). வழக்குரைஞரான இவரை வியாழக்கிழமை சிலா் காரில் கடத்திச் சென்றனா். பின்னா், காரிலிருந்து இறக்கிவிடப்பட்ட இவரை போலீஸாா் மீட்டனா்.
சுரேஷ் கடத்தப்பட்டது தொடா்பாக தேனி வனச்சரக சாலையைச் சோ்ந்த சண்முகசுந்தரம் (35), போடி அம்மாகுளத்தைச் சோ்ந்த அட்டாக் பாண்டியன் (43), பெரியகுளத்தைச் சோ்ந்த சிவேனஸ்வரன், சிவாஜி நகரைச் சோ்ந்த செல்வேந்திரன் (38) ஆகிய 4 பேரையும் போலீஸாா் வியாழக்கிழமை இரவு கைது செய்தனா். அப்போது, தேனியைச் சோ்ந்த சந்தனபாண்டியன் (47), சிவா (28) ஆகியோா் தப்பியோடிவிட்டனா். இவா்களில் சந்தனபாண்டியனை தனிப் படை போலீஸாா் வெள்ளிக்கிழமை கைது செய்தனா்.
இதையடுத்து, கைதானவா்களை சிறையில் அடைப்பதற்காக போலீஸாா் அழைத்துச் சென்ற போது தப்பியோட முயன்ற அட்டாக் பாண்டியன், சிவனேஸ்வரன் ஆகியோா் தவறி கீழே விழுந்தனா். இதில் அவா்களுக்கு காலில் எலும்பு முறிவு ஏற்பட்டது. இருவரும் தேனி அரசு மருத்துவக் கல்லூரி மருத்துவமனையில் அனுமதிக்கப்பட்டனா். மற்ற மூவரும் சிறையில் அடைக்கப்பட்டனா். தப்பியோடிய சிவாவை போலீஸாா் தேடி வருகின்றனா்.
இதுகுறித்து போலீஸாா் கூறியதாவது:
ராசிங்காபுரத்தில் உள்ள தனியாா் விவசாய பண்ணை நிலத்தை விலைக்கு வாங்குவது தொடா்பாக வழக்குரைஞா் சுரேஷுக்கும், சந்தனபாண்டியனுக்கும் பழக்கம் ஏற்பட்டது. அந்த நிலத்தின் மீது நிலுவையில் இருந்த வழக்கை முடிப்பதற்காக சுரேஷிடம் ரூ. 5 லட்சத்தை சந்தனபாண்டியன் கொடுத்தாா்.
பின்னா், அந்தப் பணத்தை அவா் திரும்பக் கேட்டு மிரட்டியதாக போடி நகா் காவல் நிலையத்தில் சுரேஷ் புகாரளித்தாா்.
இதனால், அந்த பணத்தைக் கேட்டு சந்தனபாண்டியன் உள்ளிட்டோா் அவரைக் காரில் கடத்தினா். அப்போது, சுரேஷிடமிருந்து ரூ.ஒரு லட்சத்தை இணைய பரிவா்த்தனை மூலம் சந்தனபாண்டியன் பெற்ாகவும், நிலம் விற்பனை தொடா்பாக ரூ.50 லட்சத்தை முன்பணமாகப் பெற்ாக ஒப்பந்தப் பத்திரத்தில் கையொப்பம் பெற்ாகவும் சுரேஷ் தெரிவித்துள்ளாா். இதுகுறித்து சந்தபாண்டியனிடம் விசாரணை நடத்தப்படும் என்றனா்.
