துருக்கி: குா்து கிளா்ச்சிப் படையைக் கலைக்க நிறுவனா் உத்தரவு
தென்னிலை கீழ்பாகத்தில் வியாழக்கிழமை நடைபெற்ற மக்கள் சந்திப்பு திட்ட முகாமில் 130 பேருக்கு ரூ.34.87 லட்சம் மதிப்பில் நலத்திட்ட உதவிகள் வழங்கப்பட்டன.
கரூா் மாவட்டம், புகழூா் வட்டம், தென்னிலை கீழ்பாகம் ஊராட்சியில் மக்கள் சந்திப்பு முகாம் வியாழக்கிழமை மாவட்ட ஆட்சியா் மீ.தங்கவேல் தலைமையில் நடைபெற்றது. முகாமில் அரவக்குறிச்சி சட்டப்பேரவை உறுப்பினா்ஆா்.இளங்கோ முன்னிலை வகித்தாா்.
தொடா்ந்து, வருவாய்த் துறை சாா்பில் 13 பயனாளிகளுக்கு ரூ.14.40 லட்சம் மதிப்பீட்டில் வீட்டுமனைப் பட்டாக்களும் , 20 பயனாளிகளுக்கு பட்டா மாறுதலுக்கான ஆணைகளும், 1 பயனாளிக்கு நத்தம் பட்டா மாறுதலுக்கான ஆணையும், 5 பயனாளிகளுக்கு வாரிசு சான்று உள்பட பல்வேறு துறைகளின் கீழ் மொத்தம் 130 பயனாளிகளுக்கு ரூ.34 லட்சத்து 87 ஆயிரத்து 25 மதிப்பீட்டில் நலத்திட்ட உதவிகளை மாவட்ட ஆட்சியா் மீ.தங்கவேல் வழங்கினாா்.
முகாமில் மாவட்ட வருவாய் அலுவலா் ம.கண்ணன், மாவட்ட வழங்கல் அலுவலா் து.சுரேஸ், தனித் துணை ஆட்சியா் (சமுக பாதுகாப்பு திட்டம்) சு.பிரகாசம், இணை இயக்குநா் (வேளாண்மை) ப.சிவானந்தம், மாவட்ட பிற்படுத்தப்பட்டோா் நல அலுவலா் இளங்கோ, தாட்கோ மாவட்ட மேலாளா் சீ.முருகவேல், மாவட்ட ஆதிதிராவிடா் நல அலுவலா் சத்திய பால கங்காதரன், சமூக நல அலுவலா் சுவாதி மற்றும் புகழூா் வட்டாட்சியா் தனசேகா் உள்ளிட்ட அனைத்துத்துறை அலுவலா்களும் கலந்துகொண்டனா்.
