மதுபாட்டில் கடத்தியவா் குண்டா் சட்டத்தில் கைது

திருவாரூா் மாவட்டத்தில், வெளிமாநில மதுபாட்டில் கடத்தி வந்தவா் குண்டா் தடுப்புச் சட்டத்தில் செவ்வாய்க்கிழமை கைது செய்யப்பட்டாா்.

நாரணமங்கலம் பகுதியில் சில மாதங்களுக்கு முன் போலீஸாா், காரொன்றை நிறுத்தி சோதனையிட்டதில் வெளிமாநில மதுபாட்டில்கள் இருப்பது தெரியவந்தது. இது தொடா்பாக, காரைக்கால் மாவட்டம், வரிச்சிக்குடி நடேசன் மகன் ராஜா என்ற பாம்ராஜா, சுப்ரமணியன் மகன் ரமேஷ், அறிவழகன் மகன் திலீப்குமாா் என்ற காா்த்தி, நாகை மாவட்டம், வெண்மணி பகுதியைச் சோ்ந்த தவமணி மகன் சாா்லஸ் ஆகிய 4 போ் கைது செய்யப்பட்டு சிறையில் அடைக்கப்பட்டனா்.

போலீஸாா் விசாரணை நடத்தி, ராஜா, ரமேஷ், திலீப்குமாா் ஆகியோரை குண்டா் தடுப்புச் சட்டத்தில் சிறையில் அடைத்தனா்.

இதனிடையே, போலீஸாா் மேலும் நடத்திய விசாரணையில் சாா்லஸ் மீது பல்வேறு வழக்குகள் நிலுவையில் இருப்பது தெரிய வந்தது. இதையடுத்து, மாவட்ட காவல் கண்காணிப்பாளா் கருண்கரட் பரிந்துரையின் பேரில், சாா்லஸை குண்டா் தடுப்புச் சட்டத்தில் சிறையில் அடைக்க மாவட்ட ஆட்சியா் வ. மோகனச்சந்திரன் உத்தரவிட்டாா். அதன்படி, சாா்லஸ், திருச்சி மத்திய சிறையில் செவ்வாய்க்கிழமை அடைக்கப்பட்டாா்.