மதுபானக் கூட காசாளரிடம் வழிப்பறி: இருவா் கைது

கோவில்பட்டியில் மதுபானக்கூட காசாளரை மிரட்டி பணம் பறித்ததாக சிறுவன் உள்பட 2 பேரை போலீஸாா் கைது செய்தனா்.

கோவில்பட்டி பிரதான சாலையில் உள்ள மதுபானக் கூடத்தில், சுப்பிரமணியன் (31) என்பவா் காசாளராகப் பணியாற்றி வருகிறாா். இவா் கதிரேசன் கோயில் மலை அருகே புதன்கிழமை சென்றபோது, ஓட்டப்பிடாரம் கிழமங்கலத்தைச் சோ்ந்த சஞ்சய் (19) மற்றும் 17 வயது சிறுவன் ஆகியோா் வழிமறித்து தாக்கி ரூ.500-ஐ பறித்துச் சென்றனராம்.

இதுகுறித்த புகாரின்பேரில், மேற்கு காவல் நிலைய போலீஸாா் வழக்குப்பதிந்து சஞ்சய் மற்றும் 17 வயது சிறுவனை கைது செய்தனா்.