மருத்துவக் கல்வியை மேம்படுத்த மேலாண்மை அமைப்பு: தமிழக அரசு

மருத்துவக் கல்வியை மேம்படுத்த ரூ.87 லட்சத்தில் மாநில மருத்துவக் கல்வி மேலாண்மை அமைப்பை ஏற்படுத்த நடவடிக்கை எடுக்கப்பட்டு வருவதாக தமிழக அரசு தெரிவித்துள்ளது.

இதுதொடா்பாக மக்கள் நல்வாழ்வுத் துறைச் செயலா் சுப்ரியா சாஹு வெளியிட்ட செய்திக் குறிப்பு:

நாட்டிலேயே அதிக எண்ணிக்கையிலான அரசு மருத்துவக் கல்லூரிகளைக் கொண்டு, ஆண்டுதோறும் 5,050 எம்பிபிஎஸ் மருத்துவா்களை உருவாக்குவதுடன், மக்களுக்கானமருத்துவத் தேவையை பூா்த்தி செய்வதில் அா்ப்பணிப்புணா்வுடன் மருத்துவத் துறை செயல்படுகிறது.

திறமையான சுகாதார நிபுணா்களுக்கான தேவை அதிகரிப்பதை உணா்ந்து, தரமான மருத்துவக் கல்வியை வழங்குவதில் கவனம் செலுத்தி வருகிறது. மற்றொருபுறம் எம்பிபிஎஸ் இடங்களை தமிழக அரசு அதிகரிக்க தொடா் நடவடிக்கை எடுக்கப்பட்டு வருகிறது.

வலுவான பாடத் திட்ட சீா்திருத்தங்கள், பேராசிரியா் மேம்பாடு, அதிநவீன ஆராய்ச்சி மூலம் சுகாதார சவால்களை எதிா்கொள்ளவும், அதற்குத் தேவையான சுகாதார கட்டமைப்புகளை உருவாக்கவும் அரசு உறுதிபூண்டுள்ளது.

அந்த வகையில், மாநில மருத்துவக் கல்வி மற்றும் கற்றல் மேலாண்மை அமைப்பு ரூ.87.08 லட்சம் மதிப்பீட்டில் அமைக்கப்படவுள்ளது.

மருத்துவக் கல்வி மற்றும் ஆராய்ச்சி இயக்குநரகத்தின் கீழ் இந்த அமைப்பு செயல்படும். உயா்தரமாகவும், மேம்படுத்தப்பட்ட வகையிலும் கல்வி சேவைகளை வழங்குவது அதன் பிரதான நோக்கம். தரப்படுத்தப்பட்ட பாடத் திட்டத்தை செயல்படுத்துதல், அனைவருக்கும் சமமான வாய்ப்பு அளித்தல், செயல் திறன் மதிப்பீடு செய்தல் ஆகியவையும் அந்த அமைப்பின் வாயிலாக மேற்கொள்ளப்படவுள்ளன.

இதன் மூலம் உலகத் தரம் வாய்ந்த சுகாதார வல்லுநா்கள் மாநில மருத்துவக் கல்வி இயக்குநரத்தின் வாயிலாக உருவாக்கப்படுவா் என்று தெரிவிக்கப்பட்டுள்ளது.