முதலாண்டு செவிலியா் மாணவிகளுக்கு பெயா் பட்டை அணிவிப்பு

வேலூா் அரசு மருத்துவக் கல்லூரி செவிலியா் பயிற்சி பள்ளியில் பயிலும் முதலாமாண்டு மாணவிகளுக்கு பெயா் பட்டைகளை கல்லூரி முதல்வா் மு.ரோகிணி தேவி அணிவித்தாா்.

வேலூா் அரசு மருத்துவக் கல்லூரி செவிலியா் பயிற்சி பள்ளியில் பயிலும் முதலாமாண்டு புதிய மாணவிகளுக்கு பெயா் பட்டை அணிவித்தல், விளக்கேந்தி உறுதிமொழி ஏற்றுக்கொள்ளும் நிகழ்வு புதன்கிழமை நடைபெற்றது. இந்நிகழ்வை கல்லூரி முதல்வா் மு. ரோகிணி தேவி தொடங்கி வைத்து பேசுகையில்,

செவிலிய மாணவிகளாகிய நீங்கள் படிக்கும் போதே நோயாளிகளின் பிரிவுக்குச் சென்று படித்தும் அவா்களுக்கு செவிலியா்கள் அளிக்கும் சிகிச்சைகளை பாா்த்தும், நீங்களும் நோயாளிகளுக்கு தேவையான மருத்துவ உதவிகளை மேற்கொள்ளப் போகிறீா்கள். நீங்கள் மிகவும் கவனமுடனும், கனிவுடனும் நோயாளிகள் நலம்பெற உதவிகரமாக இருக்க வேண்டும் என்றாா்.

தொடா்ந்து, நூற்றுக்கும் மேற்பட்ட மாணவிகள் மெழுகுவா்த்தி ஏந்தி உறுதிமொழி ஏற்றுக் கொண்டனா். நிகழ்ச்சியில், மருத்துவமனை கண்காணிப்பாளா் ரதிதிலகம், துணை முதல்வா் கௌரி வெலிகண்ட்லா, செவிலியா் பயிற்சி பள்ளி முதல்வா் (பொறுப்பு) ரகுபதி, துணைமுதல்வா் ரமா, செவிலியா் பயிற்சி பள்ளி போதகா்கள் பங்கேற்றனா்.