முத்தூரில் ரூ.80 லட்சம் மதிப்பில் திட்டப் பணிகள்: அமைச்சா் மு.பெ.சாமிநாதன் தொடங்கிவைத்தாா்

முத்தூரில் ரூ. 80 லட்சம் மதிப்பீட்டில் புதிய திட்டப் பணிகளை தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன் புதன்கிழமை தொடங்கிவைத்தாா்.

முத்தூா் பேரூராட்சி தொட்டியபாளையத்தில் அயோத்தி தாசா் பண்டிதா் குடியிருப்பு மேம்பாட்டுத் திட்டத்தின்கீழ் ரூ. 80 லட்சம் மதிப்பீட்டில் புதிய சமுதாயக் கூடம் அமைக்கும் பணி தொடங்கிவைக்கப்பட்டது.

இதற்கான பூமிபூஜை நிகழ்ச்சிக்கு முத்தூா் பேரூராட்சி செயல் அலுவலா் ஆல்பா்ட் தியாகராஜன் தலைமை வகித்தாா். ஈரோடு மக்களவை உறுப்பினா் கே.இ.பிரகாஷ், பொள்ளாச்சி மக்களவை உறுப்பினா் க.ஈஸ்வரசாமி ஆகியோா் முன்னிலை வகித்தனா். புதிய திட்டப் பணியை அமைச்சா் மு.பெ.சாமிநாதன் தொடங்கிவைத்தாா்.

இதில், முத்தூா் பேரூராட்சித் தலைவா் சுந்தராம்பாள், துணைத் தலைவா் மு.க.அப்பு, மாந்தபுரம் நாட்டராய சுவாமி கோயில் அறங்காவலா் குழு தலைவா் கே.சந்திரசேகரன் உள்ளிட்ட பலா் கலந்து கொண்டனா்.