ராஜஸ்தான் இடைத்தேர்தல்: சமநிலையாக செல்லும் முன்னிலை!

ராஜஸ்தானில் இடைத்தேர்தல் நடத்தப்பட்ட 7 தொகுதிகளில் வாக்கு எண்ணிக்கை நடைபெற்று வருகிறது.

ராஜஸ்தானில் 7 தொகுதிகளில் 5 தொகுதிகளின் எம்.எல்.ஏ.க்கள் மக்களவை உறுப்பினராகத் தேர்ந்தெடுக்கப்பட்டதாலும், ராம்கர் மற்றும் சலும்பர் தொகுதிகளின் எம்.எல்.ஏ.க்கள் காலமானதாலும், அந்த 7 தொகுதிகளிலும் நவ. 13 ஆம் தேதியில் இடைத்தேர்தல் நடைபெற்றது.

தியோலி-உன்னியாரா, கின்வ்ஸார், ராம்கர், தௌசா, சலும்பர், சோரசி, ஜுன்ஜுனு ஆகிய 7 தொகுதிகளிலும் சனிக்கிழமை (நவ. 23) காலை 8 மணிமுதல் வாக்கு எண்ணிக்கை நடைபெற்று வருகிறது.

காலை 10.30 மணி நிலவரப்படி

தியோலி-உன்னியாரா, கின்வ்ஸார் - பாஜக

ராம்கர், தவுசா - காங்கிரஸ்

சலும்பர், சோரசி - பாரத ஆதிவாசி கட்சி

ஜுன்ஜுனு - சுயேட்சை வேட்பாளர்

இதையும் படிக்க:வெற்றி உறுதி: மகாராஷ்டிரத்தில் பெரும்பான்மை இடங்களில் பாஜக முன்னிலை

ராஜஸ்தானில் இடைத்தேர்தல் நடைபெற்ற நவ. 13 ஆம் தேதியிலேயே மேற்கு வங்கத்தில் 6, அஸ்ஸாமில் 5, பிகாரில் 4, கா்நாடகத்தில் 3, மத்திய பிரதேசம், சிக்கிமில் தலா 2, கேரளம், சத்தீஸ்கா், மேகாலயம், குஜராத்தில் தலா ஒரு தொகுதி என 33 பேரவை தொகுதிகளுக்கு இடைத்தோ்தல் நடைபெற்றது.

மகாராஷ்டிரத்தில் உள்ள நாந்தேட் மக்களவை தொகுதிக்கும், உத்தர பிரதேசத்தில் 9, பஞ்சாபில் 4, உத்தரகண்ட் மற்றும் கேரளத்தில் தலா ஒரு தொகுதி என 15 பேரவை தொகுதிகளுக்கும் கடந்த நவம்பா் 20-ஆம் தேதி இடைத்தோ்தல் நடைபெற்றது.