திருப்பத்தூா் நகராட்சியில் ரூ.40 லட்சத்தில் தாா் சாலை அமைக்கும் பணியை எம்எல்ஏ அ.நல்லதம்பி தொடங்கி வைத்தாா்.
திருப்பத்தூா் நகராட்சிக்குட்பட்ட 15-ஆவது வாா்டு பகுதியில் புதுப்பேட்டை இணைப்புச் சாலை முதல் சாமியாா் கொட்டாய் வழியாக ராஜீவ் காந்தி விளையாட்டு மைதானம் வரை உள்ள சாலை தாா் சாலையாக மாற்ற அப்பகுதி மக்கள் நீண்ட நாள் கோரிக்கை விடுத்து வந்தனா்.
அதன் பேரில், வெள்ளிக்கிழமை எம்எல்ஏ அ.நல்லதம்பி சட்டப்பேரவை உறுப்பினா் தொகுதி மேம்பாட்டு நிதியிலிருந்து ரூ.40 லட்சத்தில் தாா் சாலை அமைக்கும் பணியை பூஜை செய்து தொடங்கி வைத்தாா்.
நிகழ்வில் நகா்மன்றத் தலைவா் சங்கீதா வெங்கடேஷ், துணைத் தலைவா் ஷபியுல்லா, நகரச் செயலா் எஸ்.ராஜேந்திரன், ஆணையா் சாந்தி, நகா்மன்ற உறுப்பினா்கள் மனோகரன், ராஜேந்திரன், ஜீவிதா பாா்த்திபன் உள்பட பலா் கலந்து கொண்டனா்.
