தூத்துக்குடி முத்தையாபுரத்தில் வீட்டின் பூட்டை உடைத்து பணம் திடுடியதாக இளைஞரை போலீஸாா் புதன்கிழமை கைது செய்தனா்.
முத்தையாபுரம் பாரதிநகரைச் சோ்ந்த பொன்பாண்டி மனைவி காந்திமதி (58), மடத்தூரில் உள்ள தனியாா் மீன் நிறுவனத்தில் வேலைபாா்த்து வருகிறாா். இவா் கடந்த 23ஆம் தேதி வீட்டைப் பூட்டிவிட்டு குடும்பத்தினருடன் செபத்தையாபுரத்தில் உள்ள உறவினா் சென்றாா். அடுத்த நாள் வந்துபாா்த்தபோது, மா்ம நபா்கள் பூட்டை உடைத்து, வீட்டிலிருந்த ரூ. 8 ஆயிரத்தைத் திருடிச் சென்றது தெரியவந்தது.
புகாரின்பேரில், முத்தையாபுரம் போலீஸாா் வழக்குப் பதிந்து, சிடிடிவி காட்சிகளை ஆய்வு செய்து, அதே பகுதியைச் சோ்ந்த கருப்பசாமி மகன் காளிராஜ் (23) என்பவரைக் கைது செய்தனா்.
ஓட்டப்பிடாரம் அருகே...: ஓட்டப்பிடாரம் அருகே கக்கரம்பட்டியைச் சோ்ந்த சுப்பிரமணியன் மனைவி உலகம்மாள் (55). இவா் கடந்த 18ஆம் தேதி விவசாய வேலைக்கு சென்றபோது, மா்ம நபா் வீட்டின் பூட்டை உடைத்து பீரோவிலிருந்த 7 பவுன் தங்க நகை, ரூ. 24 ஆயிரம் ரொக்கத்தைத் திருடிச் சென்றாராம்.
ஓட்டப்பிடாரம் போலீஸாா் வழக்குப் பதிந்து, சிசிடிவி காட்சிகளை ஆய்வு மேற்கொண்டனா். அவரது எதிா்வீட்டைச் சோ்ந்த ஆறுமுகசாமி மனைவி சசிகலா (33) என்பவா் இத்திருட்டில் ஈடுபட்டதாகத் தெரியவந்தது. அவரை போலீஸாா் கைது செய்து நகை, பணத்தைப் பறிமுதல் செய்தனா்.
