கும்மிடிப்பூண்டி | குடிபோதையில் வெறிச்செயல்; கூட்டு வன்கொடுமை செய்து பெண் கொலை: 3 இளைஞர்கள் கைது

அவ்விசாரணையின் அடிப்படையில், பாதிரிவேடு பகுதியைச் சேர்ந்த சூர்யா( 25), தேர்வாய்கண்டிகையை சேர்ந்த சுரேந்தர்(22), கண்ணம்பாக்கத்தைச் சேர்ந்த ஜெபக்குமார்(21) ஆகிய 3 பேரை நேற்று முன்தினம் இரவு கைது செய்தனர்.

கைதானவர்களிடம் போலீஸார் நடத்திய முதல் கட்ட விசாரணையில் தெரிய வந்ததாவது: கொலை செய்யப்பட்ட பெண், கடந்த 8-ம் தேதி இரவு, மாதர்பாக்கத்தில் உள்ள அரசு மதுபானக் கடையில் மது வாங்கிக் கொண்டு வயல்வெளிக்குச் சென்றுள்ளார். இதைப் பார்த்த, ஏற்கெனவே மதுபோதையில் இருந்த சூர்யா உள்ளிட்ட 3 பேரும் அந்த பெண்ணை பின் தொடர்ந்து சென்றுள்ளனர்.சூர்யா அந்த பெண்ணிடம் பேச்சுக் கொடுத்துள்ளார். அப்போது, பெண் மது போதையில் இருந்ததை பயன்படுத்தி சூர்யா, சுரேந்தர், ஜெபக்குமார் ஆகியோர், அப்பெண்ணை தாக்கி கூட்டுப் பாலியல் வன்கொடுமை செய்து கழுத்தை நெரித்து கொலை செய்துள்ளனர். இவ்வாறு விசாரணையில் தெரிய வந்ததாக போலீஸ் தரப்பில் தெரிவிக்கப்பட்டுள்ளது. மேலும், கொலை செய்யப்பட்ட பெண்ணை அடையாளம் காணும் பணியில் போலீஸார் தீவிரமாக ஈடுபட்டு வருகின்றனர்.