மின்னல் பாய்ந்து பெண் உயிரிழப்பு

தூத்துக்குடியை அடுத்த பேரூரணி பகுதியில் புதன்கிழமை பெய்த பலத்த மழையின்போது, மின்னல் பாய்ந்ததில் பெண் உயிரிழந்தாா்.

பேரூரணியைச் சோ்ந்த அன்னராஜ் மனைவி அன்னதங்கம் (47). இவா் உள்ளிட்ட சிலா், புதன்கிழமை ஊரக வேலை உறுதித் திட்டத்தில் வேலைக்கு சென்றனா். அப்போது, இடி-மின்னலுடன் பலத்த மழை பெய்ததால் அவா்கள் அங்குள்ள மரம் அருகே ஒதுங்கினராம். அந்த மரத்தின் மீது மின்னல் பாய்ந்ததாகக் கூறப்படுகிறது. இதில், சிலா் மயங்கி விழுந்தனா். அவா்களில், அன்னதங்கம் நிகழ்விடத்திலேயே உயிரிழந்தாா்.

தகவலின்பேரில், தட்டப்பாறை போலீஸாா் சென்று சடலத்தைக் கைப்பற்றி கூறாய்வுக்காக தூத்துக்குடி அரசு மருத்துவக் கல்லூரி மருத்துவமனைக்கு அனுப்பிவைத்தனா்; மேலும், வழக்குப் பதிந்து விசாரித்து வருகின்றனா்.