சிருங்கேரி சாரதா மருத்துவமனை 3ஆம் ஆண்டு விழா - 65% பேருக்கு இலவசக் காப்பீட்டில் புற்றுநோய் சிகிச்சை!

சென்னை கெளரிவாக்கத்தில் அமைந்துள்ள சிருங்கேரி சாரதா மருத்துவமனை உயர்தர புற்றுநோய் சிகிச்சையை சிறந்த முறையில் இலாபநோக்கமின்றி வழங்கி வருகிறது.

இந்த மருத்துவமனையின் மூன்றாவது ஆண்டு விழா வெள்ளிக்கிழமை (18-09-26) சிறப்பாக நடைபெற்றது.

விழாவில் முக்கிய உரையாற்றிய Shri. P. N. Vasudevan (Managing Trustee) அவர்கள் பொதுமக்களின் நன்மதிப்பையும் பாராட்டையும் பெற்றுவரும் Sringeri Sharada Equitas மருத்துவமனையில் சிகிச்சை பெற்றவர்களில் அறுபத்தி ஐந்து சதவீதத்திற்கும் (65%) மேற்பட்ட பொதுமக்கள் முதலமைச்சர் மற்றும் பிரதம மந்திரியின் காப்பீட்டு திட்டங்களின் கீழ் சிறந்த முறையில் புற்றுநோய் சிகிச்சை பெற்றுள்ளனர் என அறிவித்தார்.

மேலும் வருங்காலங்களில் மருத்துவமனை சேவையின் விரிவாக்க திட்டங்கள் பற்றிய தகவல்களை வழங்கினார். மருத்துவமனையின் நிர்வாக குழு உறுப்பினர்களான Dr. C. K. Gariyali, IAS (Retd) (Trustee) மற்றும் Dr. Vaithiswaran Velayoudam (Medical Director) ஆகியோர் மருத்துவமனை ஊழியர்களின் பணியை பாராட்டி உற்சாகப்படுத்தும் முறையில் வாழ்த்தியதோடு சிறப்பாக பணியாற்றியவர்களுக்கும், கலை நிகழ்ச்சிகள் மற்றும் விளையாட்டு போட்டிகளில் சிறப்பாக பங்கேற்றவர்களுக்கும் பரிசுகளை வழங்கினர்.