டெல்லி: "எங்க கூட்டிட்டு போறாங்கன்னு தெரியல" - போலீஸ் ஜீப்பில் இருந்தபடி வீடியோ வெளியிட்ட CPM MP

தலைமைத் தேர்தல் ஆணையர் ஞானேஷ் குமாருக்கு எதிராக டெல்லி ஜந்தர் மந்தரில் மார்க்சிஸ்ட் கம்யூனிஸ்ட் கட்சி (சிபிஎம்) தலைவர்கள் போராட்டம் நடத்தினர்.

போராட்டத்தில் ஈடுபட்ட எம்.பி ஜான் பிரிட்டாஸ் , கேரள முன்னாள் முதல்வர் பினராயி விஜயன், மத்தியக் குழு உறுப்பினர் கே. பாலபாரதி, தமிழ்நாடு மாநிலச் செயலாளர் பெ. சண்முகம் உள்ளிட்ட சிபிஎம் மூத்த தலைவர்களை டெல்லி காவல்துறையினர் கைது செய்திருகின்றனர்.

கைது செய்யப்பட்ட தலைவர்கள் காவல்துறை வாகனத்தில் அழைத்துச் செல்லப்பட்டப்போது எம்.பி ஜான் பிரிட்டாஸ் எடுத்த வீடியோ சமூக வலைத்தளங்களில் தற்போது வைரலாகி இருக்கிறது.

அந்த வீடியோவில் பேசியிருக்கும் எம்.பி ஜான் பிரிட்டாஸ், "சத்ரசால் மைதானத்தில் எங்களைச் சுமார் 30-45 நிமிடங்கள் அடைத்து வைத்திருந்த பிறகு, டெல்லி காவல்துறை எங்களை ஜீப்பில் ஏற்றி எங்கோ அழைத்துச் சென்று கொண்டிருக்கிறது.

எங்கு செல்கிறோம் என்று கூட எங்களுக்குத் தெரியவில்லை. நான், முன்னாள் முதல்வர் பினராயி விஜயன் உள்ளிட்ட மூத்த சிபிஎம் தலைவர்களை ஜீப்பில் அழைத்துச் செல்கின்றனர். டெல்லியை மாறி மாறி சுற்றிக்கொண்டிருக்கிறோம். முன்னாள் முதலமைச்சருக்கே (பினராயி விஜயன்) இந்த நிலைமை என்றால், இந்த நாட்டில் சாதாரண மக்களின் நிலை என்னவாக இருக்கும்?

எங்களிடம் எதுவும் சொல்லாமல் காவல்துறையினர் அழைத்துச் செல்கின்றனர். டெல்லி முழுவதும் இப்போது காவல்துறையினரின் கட்டுப்பாட்டில்தான் இருக்கிறது. அடிப்படை குடியுரிமை கூட இங்கு இல்லை. மோடியும், அமித்ஷாவும் ஞானேஷ் குமாரைப் பாதுகாக்கிறார்கள்" என்று வீடியோ வெளியிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb