ஆம்பூா் அருகே முதியோா் ஓய்வூதியம் பெறுபவா்களுக்கு வேட்டி, சேலை வழங்கும் நிகழ்ச்சி புதன்கிழமை நடைபெற்றது.
முதியோா், கணவரால் கைவிடப்பட்டவா், விதவை ஆகியோருக்கு தமிழக அரசு மாதந்தோறும் ஓய்வூதியம் வழங்கி வருகிறது. அவ்வாறு ஓய்வூதியம் பெறுபவா்களுக்கு தீபாவளி பண்டிகையை முன்னிட்டு நியாய விலைக் கடைகள் மூலம் இலவச வேட்டி, சேலை வழங்கப்படுகிறது.
ஆம்பூா் அருகே துத்திப்பட்டு ஊராட்சி நியாய விலைக்கடையில் முதியோா் ஓய்வூதியம் பெறுபவா்களுக்கு இலவச வேட்டி, சேலைகளை ஊராட்சி மன்றத் தலைவா் சுவிதா கணேஷ் வழங்கினாா்.
துணைத் தலைவா் விஜய், ஊராட்சி மன்ற உறுப்பினா் அண்ணாதுரை, ஊராட்சி செயலாளா் பாலகிருஷ்ணன் ஆகியோா் உடனிருந்தனா்.
