Asian Game: "பதக்கம் பற்றி நான் சிந்திக்கவில்லை"- வெண்கலம் வென்ற பரணிகா இளங்கோவன்

ஜப்பானில் நடைபெற்றுவரும் ஆசிய விளையாட்டுப் போட்டியில், Pole Vault போட்டியில் வெண்கலப் பதக்கம் வென்று இந்தியாவிற்கு பெருமை சேர்த்திருக்கிறார் தமிழக தடகள வீராங்கனை பரணிகா இளங்கோவன்.

அவருக்கு பலரும் வாழ்த்துகளைத் தெரிவித்து வருகின்றனர். வெண்கலப் பதக்கம் வென்ற பரணிகா இளங்கோவனைப் பாராட்டி தமிழ்நாட்டு முதல்வர் விஜய் ரூ. 30 லட்சம் ஊக்கத்தொகை அறிவித்திருக்கிறார்.

இந்நிலையில் பதக்கம் வென்றது குறித்து பேசியிருக்கும் பரணிகா இளங்கோவன்," இந்தப் பயணத்தில் எனக்கு ஆதரவளித்த இந்திய தடகள சம்மேளனத்திற்கு நன்றி. அந்த நேரத்தில் பதக்கத்தைப் பற்றி நான் சிந்திக்கவில்லை. எனது சிறந்த செயல்பாட்டை வெளிப்படுத்துவதில்தான் கவனம் செலுத்தினேன்.

கம்பை மிகவும் ஆக்ரோஷமாக பயன்படுத்தி சிறப்பாக செயல்பட்டேன். மும்முறை தாண்டுதல் போட்டிக்காக பயிற்சியாளரைத் தேடிக்கொண்டிருந்தேன். எதிர்பாராத விதமாக Pole Vault பயிற்சியாளர் கிடைத்தார். இந்த வெற்றியின் மூலம் இந்திய Pole Vault வரலாற்றில் மாற்றத்தை பார்க்க முடியும்" என்று தெரிவித்திருக்கிறார்.