பினராயி வெற்றி; ஆனால், 14 அமைச்சர்கள் தோல்வி: இடுக்கி முதல் கண்ணூர் வரை அமைச்சர்கள் தோல்வி லிஸ்ட்

தமிழ்நாட்டைப் போல, கேரளாவிலும் சட்டமன்ற தேர்தல் முடிவுகள் வெளியாகி உள்ளன.

2016-ம் ஆண்டு சட்டமன்ற தேர்தலிலும், 2021-ம் ஆண்டு சட்டமன்ற தேர்தலிலும் கம்யூனிஸ்ட் கட்சிக்கு வெற்றியையும், ஆட்சியையும் பரிசாக வழங்கிய கேரள மக்கள், இந்த முறை தோல்வியைக் கொடுத்துள்னர்.

இந்த முறை காங்கிரஸிற்கு ஆட்சியை தந்திருக்கிறார்கள் கேரள மக்கள்.

2021 - 2026 காலகட்டத்தில், முதலமைச்சர் உள்பட 21 அமைச்சர்கள் அமைச்சரவையில் இருந்தனர்.

இதில் இப்போது பினராயி விஜயன் உள்ளிட்ட ஏழு அமைச்சர்கள் மட்டுமே 2026-ம் ஆண்டு தேர்தலில் வெற்றி பெற்றுள்ளனர். மீதி 16 அமைச்சர்களும் தோல்வியைத் தான் பெற்றுள்ளனர்.

தோல்வியைத் தழுவிய அமைச்சர்களின் லிஸ்ட் இதோ...

வீணா ஜார்ஜ்: சுகாதாரம் மற்றும் குடும்ப நலன் அமைச்சரான இவர், ஆரன்முலா தொகுதியில் போட்டியிட்டார். இவர் 18,985 வாக்குகள் வித்தியாசத்தில் காங்கிரஸிடம் வெற்றியை நழுவவிட்டுள்ளார்.

ராஜீவ்: இவர் தொழில்கள் மற்றும் சட்டத் துறை அமைச்சர் ஆவார். களமச்சேரியில் போட்டியிட்ட இவர் 16,312 வாக்குகள் வித்தியாசத்தில் இந்திய யூனியன் முஸ்லிம் லீக்கிடம் தோல்வியைத் தழுவியுள்ளார்.

வி. சிவன்குட்டி: கல்வி மற்றும் தொழிலாளர் நலன் அமைச்சர் போட்டியிட்ட தொகுதி நேமம். இதில் பாஜகவிடம் 4,978 வாக்குகள் வித்தியாசத்தில் தோல்வியடைந்துள்ளார்.

எம். பி. ராஜேஷ்: உள்ளாட்சி மற்றும் கலால் வரி அமைச்சர் இவர். திருத்தலாவில் போட்டியிட்ட இவர் 8,385 வாக்குகள் வித்தியாசத்தில் காங்கிரஸிடம் தோல்வியைத் தழுவியுள்ளார்.

டாக்டர் ஆர். பிந்து: உயர்கல்வித் துறை அமைச்சரான இவர் இரிஞ்ஞாலக்குடாவில் போட்டியிட்டார். அங்கே இவர் காங்கிரஸிடம் 10,212 வாக்குகள் வித்தியாசத்தில் தோல்வியை நழுவவிட்டுள்ளார்.

கே. கிருஷ்ணன்குட்டி: மின்சாரத் துறை அமைச்சர். சித்தூரில் போட்டியிட்ட இவர் 6,510 வாக்குகள் வித்தியாசத்தில் காங்கிரஸிடம் தோல்வியைத் தழுவியுள்ளார். இவர் கம்யூனிஸ்ட்டின் கூட்டணி கட்சியின் ஜனதா தளத்தின் வேட்பாளர் ஆவார்.

ரோஷி அகஸ்டின்: நீர்வளத்துறை அமைச்சரான இவர் இடுக்கியில் போட்டியிட்டார். 23,822 வாக்குகள் வித்தியாசத்தில் காங்கிரஸிடம் தோல்வி அடைந்துள்ளார்.

ஏ. கே. சசீந்திரன்: ஏலத்தூரில் போட்டியிட்ட இவர் வனம் மற்றும் வனவிலங்கு துறை அமைச்சர் ஆவார். இவர் 12,162 வாக்குகள் வித்தியாசத்தில் காங்கிரஸிடம் தோல்வி அடைந்துள்ளார்.

வி. என். வாசவன்: கூட்டுறவு மற்றும் துறைமுகங்கள் துறையின் அமைச்சர் இவர். ஏற்றுமானூரில் 19,752 வாக்குகள் வித்தியாசத்தில் காங்கிரஸிடம் தோல்வியை நழுவவிட்டுள்ளார்.

வி. அப்துரஹிமான்: விளையாட்டு மற்றும் சிறுபான்மையினர் நலன் அமைச்சரான இவர் திரூர் தொகுதியில் போட்டியிட்டார். அங்கே 24,137 வாக்குகள் வித்தியாசத்தில் இந்திய யூனியன் முஸ்லீம் லீக்கிடம் தோல்வியைத் தழுவியுள்ளார்.

ஜெ. சிஞ்சு ராணி: கால்நடை பராமரிப்பு துறை அமைச்சர் இவர். சடையமங்கலத்தில் போட்டியிட்ட இவர் 7,486 வாக்குகள் வித்தியாசத்தில் காங்கிரஸிடம் தோல்வியை நழுவவிட்டுள்ளார்.

கே. பி. கணேஷ் குமார்: இவர் போக்குவரத்துத் துறை அமைச்சர் ஆவார். பத்தினாபுரத்தில் 8,310 வாக்குகள் வித்தியாசத்தில் காங்கிரஸ் வெற்றியை தட்டி சென்றுள்ளது.

ஆர். கடன்னப்பள்ளி: பதிவுத்துறை அமைச்சர். கண்ணூரில் 18,551 வாக்குகள் வித்தியாசத்தில் காங்கிரஸிடம் தோல்வி அடைந்துள்ளார்.

ஓ. ஆர். கேலு: ஆதிதிராவிடர் மற்றும் பழங்குடியினர் நலன் துறை அமைச்சரான இவர் மானந்தவாடியில் போட்டியிட்டார். 10,543 வாக்குகள் வித்தியாசத்தில் காங்கிரஸிடம் தோல்வியைத் தழுவியுள்ளார்.