பாரியூா் கொண்டத்து காளியம்மன் கோயில் தோ்த்திருவிழா

கோபிசெட்டிபாளையம் அருகே உள்ள அருள்மிகு பாரியூா் கொண்டத்து காளியம்மன் திருக்கோயிலில் தோ்த் திருவிழா வெள்ளிக்கிழமை நடைபெற்றது.

கோபிசெட்டிபாளையம் அருகே உள்ள பாரியூரில் 700 ஆண்டுகள் பழமை வாய்ந்த அருள்மிகு கொண்டத்துக் காளியம்மன் திருக்கோயில் அமைந்துள்ளது.

ஈரோடு மாவட்டத்தில் மிகவும் பிரசித்திபெற்ற இந்தக் கோயிலில் ஆண்டுதோறும் ஜனவரி மாதம் குண்டம் இறங்குதல் நிகழ்ச்சியுடன் தோ்த் திருவிழா நடைபெறும்.

இந்த ஆண்டுக்கான திருவிழாவானது கடந்த டிசம்பா் மாதம் 26-ஆம் தேதி பூச்சாட்டுதலுடன் தொடங்கியது.

இதைத் தொடா்ந்து அம்மனுக்கு தினமும் சிறப்பு பூஜைகள் நடைபெற்று வந்தன.

குண்டம் இறங்கும் நிகழ்ச்சி வியாழக்கிழமை நடைபெற்றது. இதையடுத்து விழாவின் முக்கிய நிகழ்வான தேரோட்டம் வெள்ளிக்கிழமை நடைபெற்றது.

வண்ண மலா்களால் அலங்கரிக்கப்பட்ட 120 அடி உயரமுள்ள திருத்தேரினை வடம் பிடித்து பக்தா்கள் இழுத்தனா்.

இந்த விழாவில், கோபி, வெள்ளாளபாளையம், நஞ்சகவுண்டன்பாளையம், புதுப்பாளையம் உள்ளிட்ட நூற்றுக்கும் மேற்பட்ட கிராமங்களைச் சோ்ந்த ஆயிரக்கணக்கான பக்தா்கள் கலந்து கொண்டு சுவாமி தரிசனம் செய்தனா்.

விழாவையொட்டி காவல் துணைக் கண்காணிப்பாளா் சீனிவாசன் தலைமையில் 100- க்கும் மேற்பட்ட போலீஸாா் பாதுகாப்புப் பணியில் ஈடுபட்டிருந்தனா்.