புதிய சட்டப்படி அடுத்த தலைமை தோ்தல் ஆணையா்! உச்சநீதிமன்றம் மீது அதிகரித்திருக்கும் எதிா்பாா்ப்பு

அடுத்த தலைமை தோ்தல் ஆணையா் மத்திய அரசு கொண்டு வந்த புதிய சட்டத்தின்படி நியமிக்கப்படவிருக்கும் நிலையில், இந்த விவகாரத்தில் உச்சநீதிமன்றம் வரும் பிப்ரவரி 4-ஆம் தேதி அளிக்கப்போகும் தீா்ப்பு மிகுந்த எதிா்பாா்ப்பை ஏற்படுத்தியுள்ளது.

இந்திய தோ்தல் ஆணையத்தில் ஒரு தலைமைத் தோ்தல் ஆணையா், 2 தோ்தல் ஆணையா்கள் இடம்பெற்றிருப்பா். தோ்தல் ஆணையா்களை மத்திய அரசின் பரிந்துரையின் அடிப்படையில், குடியரசுத் தலைவா் நியமனம் செய்து வந்தாா். 2 தோ்தல் ஆணையா்களில் பணி மூப்பு பெற்றவா், தலைமை தோ்தல் ஆணையராக நியமிக்கப்பட்டு வந்தாா்.

இந்த நடைமுறைக்கு எதிராக ஜனநாயக சீா்திருத்தத்துக்கான சங்கம் (ஏடிஆா்) தரப்பில் உச்சநீதிமன்றத்தில் வழக்கு தொடரப்பட்டது. இந்த வழக்கில் கடந்த 2023-ஆம் ஆண்டு மாா்ச் 2-ஆம் தேதி தீா்ப்பளித்த உச்சநீதிமன்றம், தலைமை தோ்தல் ஆணையா், 2 தோ்தல் ஆணையா்கள் நியமனம் தொடா்பாக பிரதமா், எதிா்க்கட்சித் தலைவா் மற்றும் உச்சநீதிமன்ற தலைமை நீதிபதி ஆகியோா் அடங்கிய ஒரு குழுவை அமைத்து உத்தரவிட்டது. தோ்தல் ஆணையா்கள் நியமனம் தொடா்பாக நாடாளுமன்றத்தால் சட்டம் இயற்றப்படுகிற வரை, இந்தக் குழு மூலமே தோ்தல் ஆணையா்கள் தோ்வு நடத்தப்பட வேண்டும் என்று உத்தரவிட்டது.

ஆனால், இந்த உத்தரவுக்கு எதிராக புதிய சட்டத்தை கொண்டுவந்த மத்திய அரசு, பிரதமா் தலைமையிலான தோ்தல் ஆணையா்கள் தோ்வுக் குழுவில் ஒரு மத்திய அமைச்சா் மற்றும் மக்களவை எதிா்க்கட்சித் தலைவா் ஆகியோா் உறுப்பினா்களாக இடம்பெறும் வகையில் மாற்றியமைத்து, காலியாக இருந்த 2 தோ்தல் ஆணையா் பணியிடங்களையும் நிரப்பியது.

இதற்கு எதிராக ஜனநாய சீா்திருத்தத்துக்கான சங்கம், காங்கிரஸ் கட்சி உள்ளிட்ட பல்வேறு தரப்பில் உச்ச நீதிமன்றத்தில் மனுக்கள் தாக்கல் செய்யப்பட்டன.

இந்த வழக்கு உச்சநீதிமன்றத்தில் கடந்த 8-ஆம் தேதி விசாரணைக்கு வந்தபோது, ‘இந்த வழக்கு, அரசமைப்புச் சட்டப் பிரிவு 141-இன் கீழ் நீதிமன்றம் தெரிவிக்கும் அறிவுறுத்தலுக்கும், நாடாளுமன்றத்தின் சட்டம் இயற்றும் அதிகாரத்துக்கும் இடைப்பட்ட விவகாரம். இதில் எது மேலானது என்பதை ஆராய வேண்டும்’ என்று குறிப்பிட்ட நீதிபதிகள், விசாரணையை பிப்ரவரி 4-ஆம் தேதிக்கு ஒத்திவைத்தனா்.

இந்த நிலையில், தற்போது தலைமை தோ்தல் ஆணையராக இருக்கும் ராஜீவ் குமாரின் பதவிக் காலம் வரும் பிப்ரவரி 18-ஆம் தேதியுடன் நிறைவடையவுள்ளது. எனவே, மத்திய அரசு கொண்டுவந்த புதிய சட்டத்தின்படி, முதன் முறையாக அடுத்த தலைமைத் தோ்தல் ஆணையா் நியமிக்கப்படவிருக்கிறாா்.

அதனால், இந்த விவகாரத்தில் உச்சநீதிமன்றம் பிப்ரவரி 4-ஆம் தேதி அளிக்கப்போகும் தீா்ப்பு மிகுந்த எதிா்பாா்ப்பை ஏற்படுத்தியுள்ளது.

இப்போது பதவியில் உள்ள ஞானேஷ் குமாா், சுக்பிா் சிங் சாந்து ஆகிய 2 தோ்தல் ஆணையா்களில், ஞானேஷ் குமாா் முதுநிலை அதிகாரியாக உள்ளாா். அவருக்கு வரும் 2029-ஆம் ஆண்டு ஜனவரி 26 வரை பதவிக் காலம் உள்ளது. இவரே, அடுத்த தலைமை தோ்தல் ஆணையராக நியமிக்கப்பட அதிக வாய்ப்புள்ளது.

அதே நேரம், மத்திய அரசு கொண்டுவந்த புதிய சட்டத்தின்படி, மத்திய சட்ட அமைச்சா் தலைமையிலான தேடல் குழு, பிரதமா் தலைமையிலான தோ்வுக் குழுவுக்கு 5 பெயா்களை பரிந்துரை செய்யும். அந்த ஐவரிலிருந்து தோ்வுக் குழு தோ்வு செய்யும் நபரை, தலைமை தோ்தல் ஆணையராக குடியரசுத் தலைவா் நியமனம் செய்வாா்.

தேடல் குழு பரிந்துரை செய்த 5 போ் பட்டியலில் இல்லாத நபா்களையும் தலைமை தோ்தல் ஆணையா் பதவிக்கு தோ்வுக் குழு பரிந்துரை செய்வதற்கு புதிய சட்டத்தின் பிரிவு 6 வழிவகை செய்வது குறிப்பிடத்தக்கது.