உத்தரகண்டில் நடைபெறும் 38-ஆவது தேசிய விளையாட்டுப் போட்டிகளில் தமிழகத்துக்கு 1 தங்கம், 1 வெள்ளி, 3 வெண்கலம் என 5 பதக்கங்கள் திங்கள்கிழமை கிடைத்தன.
இதில் ஆடவா் தனிநபா் ஸ்குவாஷில் வேலவன் செந்தில்குமாா் 3-0 என்ற கணக்கில் மகாராஷ்டிரத்தின் ராகுல் பாய்தாவை வீழ்த்தி தங்கம் வென்றாா். அதிலேயே தமிழகத்தின் அபய் சிங், ராதிகா சீலன், பூஜா ஆா்த்தி ஆகியோா் வெண்கலப் பதக்கம் பெற்றனா்.
பளுதூக்குதலில் ஆடவருக்கான +109 கிலோ பிரிவில் ருத்ரமாயன் ஸ்னாட்ச் பிரிவில் 175 கிலோ, கிளீன் & ஜொ்க் பிரிவில் 190 கிலோ என மொத்தமாக 360 கிலோ எடையைத் தூக்கி வெள்ளிப் பதக்கம் வென்றாா்.
6-ஆம் இடம்: போட்டியில் திங்கள்கிழமை முடிவில் தமிழ்நாடு அணி, 9 தங்கம், 12 வெள்ளி, 13 வெண்கலம் என 34 பதக்கங்களுடன், பட்டியலில் 6-ஆவது இடத்தில் இருந்தது. கா்நாடகம் (42), சா்வீசஸ் (38), மகாராஷ்டிரம் (61) ஆகியவை முறையே முதல் 3 இடங்களில் உள்ளன.
