Jailer 2: 'ரசிகர்களின் அன்புடன் அவருடைய படம் பார்ப்பதுதான் 'Double Energy!' - லதா ரஜினி நெகிழ்ச்சி

நெல்சன் இயக்கத்தில், ரஜினியின் நடிப்பில் வெளியாகி நல்ல வரவேற்பைப் பெற்ற படம் 'ஜெயிலர்'.

கடந்த 2023 ஆம் ஆண்டு வெளியான இப்படத்தில் மோகன்லால், சிவராஜ் குமார், ஜாக்கி ஷெரப், ரம்யா கிருஷ்ணன், விநாயகன், மிர்னா, வசந்த் ரவி, யோகி பாபு உள்ளிட்ட பலர் நடித்திருந்தனர்.

முதல் பாகத்தின் வெற்றியைத் தொடர்ந்து 2-ம் பாகமான ‘ஜெயிலர் 2’-வை நெல்சன் இயக்கியிருக்கிறார்.

முதல் பாகத்தில் கேமியோ கதாபாத்திரங்களில் நடித்த மோகன்லால், சிவராஜ்குமார் ஆகியோருடன், எஸ்.ஜே.சூர்யா, வித்யாபாலன், மிதுன் சக்ரவர்த்தி உள்ளிட்ட பலர் நடித்துள்ளனர். அனிருத் இசையமைத்திருக்கிறார்.

மிகுந்த எதிர்பார்ப்புகிடையே படம் இன்று திரையரங்குகளில் வெளியாகி இருக்கிறது. ரசிகர்கள் 'FDFS'-யை கொண்டாடி வருகிறார்கள்.

இந்நிலையில் படத்தைப் பார்க்க திரையரங்கிற்கு வந்த லதா ரஜினிகாந்த் செய்தியாளர்களைச் சந்தித்து பேசியிருக்கிறார்.

" இது எனக்கு ஸ்பெஷலான எமோஷனல் தருணம். ஒவ்வொரு முறையும் அவரது (ரஜினிகாந்த்) படங்கள் வெளியாகும்போது அவருக்கு கிடைக்கும் அன்பை ஆசீர்வாதமாகப் பார்க்கிறேன். நிறைய அன்பும், ஆதரவும் கொடுக்கிறீர்கள் அதற்கு மிகப்பெரிய நன்றி.

இத்தனை வருடங்களாக அவருடன் இருந்து இந்த அன்பைக் காட்டுவதற்கு நன்றி. ரசிகர்களுடன் சேர்ந்து படம் பார்ப்பது தான் எனக்கு பிடிக்கும். ரசிகர்களின் அன்புடன் அவருடைய படம் பார்ப்பதுதான் 'Double Energy' கொடுக்கும். நெல்சன், அனிரூத், சன் பிக்சர்ஸ் உள்ளிட்ட படக்குழுவினருக்கு என்னுடைய வாழ்த்துகள்" என்று நெகிழ்ச்சியாகப் பேசியிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb