“என்னய்யா... நான் பேசலாம்னு இருந்த பாயின்ட்ஸையெல்லாம், எனக்கு முன்னாடி நம்ம கட்சிக்காரங்களே பேசிட்டாங்க?!“
“நீங்க பாயின்ட்ஸ் எடுத்த அதே ‘சாட்ஜிபிடி’லதான், அவங்களும் எடுத்திருக்காங்க தலைவரே!“
- திருப்பூர் சாரதி
“எது நடக்கக் கூடாதுன்னு நினைச்சேனோ, அதுவும் நடந்துடுச்சு!”
“அப்படி என்ன நடந்துடுச்சு!?”
“சட்டசபைக்கு உள்ளே ஐஸ்க்ரீம், பாப்கார்ன் விற்க ஆரம்பிச்சிட்டாங்க!”
- தே.ராஜாசிங் ஜெயக்குமார்
“என்னய்யா.. ‘80ஸ் டிரெண்ட் போட்டோ’ன்னு சொன்னீங்க... ஜெயில்ல களி சாப்பிடுற மாதிரி கிரியேட் பண்ணிக் குடுக்குது?”
“உங்களுக்கு மட்டும் உண்மையைச் சொல்லிடுச்சு தலைவரே...”
- மலர்சூர்யா
‘‘அமலாக்கத்துறையே ஆடிப்போற அளவுக்குத் தலைவர் அப்படி என்ன கேள்வி கேட்டுட்டார்?’’
‘‘கேள்விகளுக்கு சாய்ஸ் உண்டான்னு கேட்டிருக்கார்.’’
– வி.மோகன்
