இலஞ்சி பாரத் மாண்டிசோரி மெட்ரிக் மேல்நிலைப்பள்ளி மாணவன் மாவட்ட அளவில் சாதனை!

முதலமைச்சர் கோப்பைக்கான மண்டல அளவில் ஜூடோ விளையாட்டுப் போட்டி 2026-27,தென்காசி தமிழ்நாடு விளையாட்டு மேம்பாட்டு ஆணையத்தில்  15/09/2026 அன்று நடத்தியது. இப்போட்டியில் தென்காசி, தூத்துக்குடி, கன்னியாகுமரி, திருநெல்வேலி ஆகிய மாவட்டங்களில் உள்ள பல்வேறுபள்ளிகளில் இருந்தும் மாணவர்கள் கலந்து கொண்டனர்.

இப்போட்டியில் பாரத் மாண்டிசோரி மெட்ரிக் மேல்நிலைப் பள்ளியில் பன்னிரெண்டாம் வகுப்பு பயிலும் மாணவன் எம்.பி.சர்ஜின் பிளஸ் 73 கிலோ இடைப்பிரிவில் கலந்துகொண்டு இரண்டாம் இடத்தை வென்று மாநில அளவிற்கு தகுதி பெற்றுள்ளார். வெற்றி பெற்ற மாணவனுக்கு தமிழ்நாடு விளையாட்டு மேம்பாட்டு ஆணையம் (சி.எம்.டிராபி ) சான்றிதழ், வெள்ளி பதக்கம் மற்றும் காசோலை ரூபாய் 2000 வழங்கி உள்ளார்கள். 

அதுபோல இலஞ்சி பாரத் மாண்டிசோரி மெட்ரிக் மேல்நிலைப்பள்ளி மாணவன் நீச்சல் போட்டியில் மாவட்ட அளவில் சாதனை.

பாரதியார் தினம் மற்றும் குடியரசு தின விளையாட்டு போட்டிகள் மாவட்ட அளவில் தமிழ்நாடு விளையாட்டு மேம்பாட்டு ஆணையம் 21/ 9/ 2026 அன்று நடத்திய நீச்சல் போட்டி, செய்யது மெட்ரிக் மேல்நிலைப்பள்ளி யில் நடைபெற்றது. இப்போட்டியில் பல்வேறு பள்ளிகளில் இருந்தும் மாணவர்கள் கலந்து கொண்டனர். இப்போட்டியில் பாரத் மாண்டிசோரி மெட்ரிக் மேல்நிலைப் பள்ளியில் ஒன்பதாம் வகுப்பு பயிலும் மாணவன் ஆர். சந்தோஷ் பிரவீன் நீச்சல் போட்டியில் கலந்து கொண்டு 50 மீட்டர் பிரஸ்ட்ராக் போட்டியில் முதலிடம் வென்று தங்கப்பதக்கத்தையும், 50 மீட்டர் பிரீ ஸ்டைல் போட்டியில் இரண்டாம் இடம் வென்று வெள்ளிப் பதக்கத்தையும், 50 மீட்டர் பேக்ஸ் ட்ராக் போட்டியில் இரண்டாம் இடம் வென்று வெள்ளிப் பதக்கத்தையும் பெற்றுள்ளார். 

வெற்றி பெற்ற மாணவர்களை பாரத் பள்ளி குழுமத்தின் தலைவர் திரு. மோகன கிருஷ்ணன், செயலாளர் டாக்டர்.காந்திமதி மோகன கிருஷ்ணன்,கல்வி ஆலோசகர் திருமதி.உஷா ரமேஷ், இயக்குனர் இராதா பிரியா, பள்ளி முதல்வர் திருமதி. தர்மசுபத்தினி மற்றும் தலைமை ஆசிரியர் திரு. செல்வ லிங்கம் ஆகியோர் பாராட்டினர்.