"நான் ஆவலோடு காத்திருக்கிறேன்"- புதிய கேப்டனாக நியமிக்கப்பட்ட ஸ்மிருதி மந்தனா நெகிழ்ச்சி!

இந்திய மகளிர் கிரிக்கெட் அணியின் கேப்டன் பொறுப்பில் இருந்து விலகுவதாக ஹர்மன்ப்ரீத் கவுர் நேற்று அறிவித்திருந்தார்.

இதனைத் தொடர்ந்து இந்திய மகளிர் அணியின் புதிய கேப்டனாக ஸ்மிருதி மந்தனா நியமிக்கப்பட்டிருக்கிறார்.

புதிய கேப்டன் பதவி குறித்து இன்ஸ்டாகிராம் பக்கத்தில் பதிவிட்டிருக்கும் ஸ்மிருதி மந்தனா, "இந்திய அணியை வழிநடத்தும் பொறுப்பு எனக்கு வழங்கப்பட்டிருப்பது எனக்குக் கிடைத்த மிகப்பெரிய கௌரவம்.

இந்தியாவைப் பிரதிநிதித்துவப்படுத்துவது என்பது எனக்கு எப்போதும் மிக முக்கியமான ஒன்று. இப்போது இந்த அணியை வழிநடத்தும் வாய்ப்பு கிடைத்திருப்பதை நான் மிகவும் மதிப்பாய் கருதுகிறேன்.

பிசிசிஐ, தேர்வு குழுவினர், எனது சக வீரர்கள் மற்றும் எனது இந்த பயணம் முழுவதும் எனக்கு ஆதரவளித்து, என் மீது நம்பிக்கை வைத்த அனைவருக்கும் எனது நன்றியைத் தெரிவித்துக் கொள்கிறேன்.

கடந்த சில ஆண்டுகளாக கேப்டனாக ஹர்மன்பிரீத் செய்த பங்களிப்பையும் நான் குறிப்பிட விரும்புகிறேன். அவர் மிகுந்த அர்ப்பணிப்புடன் அணியை வழிநடத்தினார்.

மேலும் இந்தப் பயணத்தில் அவர் ஒரு முக்கியமான அங்கமாக இருந்திருக்கிறார். இந்த பொறுப்பின் முக்கியத்துவத்தை நான் புரிந்துகொள்கிறேன்.

மேலும் அணியுடன் இணைந்து செயல்படவும், கற்றுக்கொள்ளவும், இந்திய கிரிக்கெட்டை முன்னேற்றிச் செல்ல எனது சிறந்த பங்களிப்பை வழங்கவும் ஆவலுடன் காத்திருக்கிறேன்" என்று குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb