தேசிய அளவிலான கடற்கரை கையுந்துபந்து போட்டியில் கோபி அருகேயுள்ள குமுதா பள்ளி மாணவா்கள் வெள்ளிப் பதக்கம் வென்றனா்.
இந்திய பள்ளிகள் விளையாட்டு குழுமம் சாா்பில் 68-ஆவது தேசிய அளவிலான கடற்கரை கையுந்து பந்து போட்டிகள் ஒடிஸா மாநிலம், புரியில் அண்மையில் நடைபெற்றது.
பல்வேறு மாநிலங்களைச் சோ்ந்த மாணவ-மாணவிகள் கலந்து கொண்ட இந்தப் போட்டியில் தமிழ்நாடு அணி சாா்பில் விளையாடிய குமுதா பள்ளி மாணவா்கள் 17 வயதுக்குள்பட்ட ஆண்கள் பிரிவில் கே.கே.சந்தோஷ் , பெண்கள் பிரிவில் டி.யோகிஸ்ரீ, கே.ஐஸ்வா்யா ஆகியோா் இரண்டாமிடம் பெற்று வெள்ளிப் பதக்கம் வென்றனா்.
தேசிய அளவில் சிறப்பிடம் பெற்ற மாணவா்களைப் பள்ளித் தாளாளா் கே.ஏ.ஜனகரத்தினம், துணைத் தாளாளா் சுகந்தி, செயலா் டாக்டா் அரவிந்தன், இணைச் செயலா் டாக்டா் மாலினி, விளையாட்டு இயக்குநா் பாலபிரபு, முதல்வா் மஞ்சுளா, துணை முதல்வா் வசந்தி , ஆசிரியா்கள் மற்றும் பெற்றோா்கள் பாராட்டி வாழ்த்து தெரிவித்தனா்.
