தங்கத்தில் முதலீடு செய்திருக்கிறீர்களா? அது ஒரு 'மோசமான' முதலீடு: Warren Buffet - ஏன்? | Gold

தங்கத்தின் மீது இந்திய மக்களுக்கு எப்போதும் தனி மோகம் உண்டு.

தங்கத்தை முதலீடாகவும், ஆத்திர அவசர நேரங்களில் அடமானம் வைக்க ஆபத்பாந்தவனாகவும் பார்க்கின்றனர்.

ஆனால், தங்கம் ஒரு மோசமான முதலீடு என்கிறார் முதலீட்டு ஜாம்பவான் வாரன் பஃபெட்.

அவரது கூற்றிற்கு மூன்று காரணங்களையும் அடுக்குகிறார் அவர்.

ஒன்று, தங்கம் எதையும் உற்பத்தி செய்யாது... வட்டியையோ, டிவிடென்டையோ தராது. ஒரு அவுன்ஸ் தங்கத்தை 100 ஆண்டுகள் வைத்திருத்தாலும், அது ஒரு அவுன்ஸ் தங்கமாகத் தான் இருக்கும்.

இரண்டாவது, பொருளாதாரம் மற்றும் பணவீக்கத்தின் போது, மக்களுக்கு பயம் வரும்போது தான் தங்கம் விலை ஏறும்.

வாரன் பஃபெட்டைப் பொறுத்தவரை, பணம் பெருக்குவதில் மனிதனின் உணர்வுகள் கலந்திருக்கக் கூடாது.

மூன்றாவது, தங்கத்தினால் எந்தப் பயனும் இல்லை. சுரங்கத்தில் இருந்து தோண்டி எடுத்து அதை மீண்டும் பத்திரமாக மக்கள் தங்களது வீடுகளில் புதைத்து வைக்கிறார்கள்.

தங்கம் தொழிற்சாலைகளில் கூட பெரிதாக பயன்படுவதில்லை என்று கூறுகிறார்.

"ஒரு நிறுவனத்தில் முதலீடு செய்தால், அந்த நிறுவனம் நல்ல பணம் செய்ய வேண்டும்.

அது மீண்டும் நிறுவனத்தின் வளர்ச்சியில் பணம் போட வேண்டும்.

பங்குதாரர்களுக்கு தக்க சன்மானம் வழங்க வேண்டும்".

- இது வாரன் பஃபெட்டின் கருத்து.

நீங்கள் தங்கம் பற்றிய வாரன் பஃபெட் கூற்று குறித்து என்ன நினைக்கிறீர்கள்?