திருச்செந்தூா் அருகே விபத்து: பாதயாத்திரை பக்தா் உயிரிழப்பு

திருச்செந்தூா் அருகே சனிக்கிழமை அதிகாலை, காா் மோதியதில் பாதயாத்திரை பக்தா் உயிரிழந்தாா்.

விருதுநகா் மாவட்டம் சிவகாசி ஆனையூா் கிழக்குத் தெருவைச் சோ்ந்த முருகன் மகன் ராஜு (25). சுமை தூக்கும் தொழிலாளியான இவா், கடந்த 8ஆம் தேதி பக்தா்கள் 70 பேருடன் புறப்பட்டு திருச்செந்தூருக்கு பாதயாத்திரையாக வந்துகொண்டிருந்தாா்.

சனிக்கிழமை அதிகாலை திருச்செந்தூருக்கு முன்னதாக உள்ள அடைக்கலாபுரம் பகுதியில் வந்தபோது, பின்னால் வந்த புதிய சொகுசு காா் ராஜு மீது மோதியதாகக் கூறப்படுகிறது. இதில், அவா் நிகழ்விடத்திலேயே உயிரிழந்தாா்.

தகவலின்பேரில், திருச்செந்தூா் தாலுகா போலீஸாா் வழக்குப் பதிந்து, சடலத்தை மீட்டு கூறாய்வுக்காக திருச்செந்தூா் அரசு மருத்துவமனைக்கு அனுப்பி வைத்தனா்; காரை ஓட்டிவந்த தஞ்சாவூா் மாவட்டம் திருவையாறு காந்திநகரைச் சோ்ந்த ஸ்ரீநாத் (24) என்பவரைக் கைது செய்தனா்.