பங்கு சந்தை உலகில் 'உலக சாதனை' படைத்துள்ள லலிதா ஜூவல்லரி!

லலிதா ஜூவல்லரி மார்ட் லிமிடெட்டின் ஆரம்ப பொது பங்கு வெளியீடு (IPO) ஆகஸ்டு 17 அன்று தொடங்கி நேற்று முடிவடைந்தது. இதில், நகை உலகில் இதுவரை வரலாறு காணா விதமாக 62.97 மடங்கு 'அதிக முன்பதிவு' நடந்துள்ளது. அதாவது ஒரு பங்குக்கு 62.97 பேர் விண்ணப்பித்துள்ளனர்!

இது ரூ.1700 கோடி IPO என்ற அளவை வைத்து பார்க்கும்போது, இந்த சந்தாதாரர் சேர்க்கை, நகை உலகில் லலிதா ஜுவல்லரி IPO-விற்கு முதலிடத்தை அளிக்கிறது.

தலா ₹5 முகமதிப்பு கொண்ட ஒரு பங்குக்கான விலை வரம்பு ₹190 முதல் ₹201 வரை நிர்ணயிக்கப்பட்டிருந்தது.

குறைந்தபட்ச விண்ணப்ப அளவு (Bid Lot) 74 பங்குகள்; அதன்பிறகு 74 பங்குகளின் மடங்குகளில் விண்ணப்பிக்கலாம் என்று கூறப்பட்டிருந்தது.

இந்த IPO-வில் ₹1200.00 கோடி வரையிலான புதிய பங்கு வெளியீடும், நிறுவனர் (Promoter) திரு. எம். கிரண் குமார் மூலம் ₹500.00 கோடி வரையிலான விற்பனைக்கான பங்கு வெளியீடும் (Offer-for-sale) அடங்கும்.

இந்தச் சலுகையானது புக்-பில்டிங் செயல்முறை மூலம் வழங்கப்பட்டது. இதில், நிகரச் சலுகையில் 50%-க்கு மிகாமல் தகுதிவாய்ந்த நிறுவன வாங்குபவர்களுக்கும், 15%-க்குக் குறையாமல் நிறுவனசாரா ஏலதாரர்களுக்கும் (Bidders), மற்றும் 35%-க்குக் குறையாமல் சில்லறைத் தனிநபர் ஏலதாரர்களுக்கும் (Bidders) ஒதுக்கீடு செய்யப்பட்டது.

சொந்தமாக உற்பத்தி செய்யும் திறன் கொண்டிருப்பதன் மூலம், குறைந்த விலையில் தங்க நகைகளை வழங்கும் ஒரு தனித்துவமான மற்றும் புரட்சிகரமான பிராண்டாக இந்நிறுவனம் திகழ்கிறது.2026 நிதியாண்டில், இந்நிறுவனத்தின் 61 கடைகளில் 45 கடைகள் இரண்டாம் மற்றும் மூன்றாம் நிலை (Tier-ll and Tier-III) நகரங்களில் அமைந்துள்ளன.

போட்டித்தன்மை வாய்ந்த நகை உலகில் தரம், நேர்த்தியான கைவினைத்திறன் மற்றும் சிறந்த வடிவமைப்புகளுக்கு நிறுவனம் அளிக்கும் முக்கியத்துவமே, இத்தகைய பிராண்ட் நிலையை அடைய உதவியதாக நிறுவனம் நம்புகிறது.

இந்தியாவின் முக்கிய நகை விற்பனை நிறுவனங்களிடையே, ஒரு கடைக்கான செயல்பாட்டு வருவாயில் (Revenue Per store) இந்நிறுவனம் முன்னணியில் உள்ளது; 2026, 2025 மற்றும் 2024 ஆகிய நிதியாண்டுகளில் முறையே ₹410.23 கோடி, ₹281.62 கோடி மற்றும் ₹316.76 கோடி வருவாயை (Revenue Per store) இது ஈட்டியுள்ளது (ஆதாரம்: CRISIL அறிக்கை).

அதேபோல, 2024 நிதியாண்டில் ₹359.83 கோடியாக இருந்த நிகர லாபம், 2026 நிதியாண்டில் ₹1,009.82 கோடியாக அதிகரித்துள்ளது. ஆனந்த் ரதி அட்வைசர்ஸ் லிமிடெட் மற்றும் ஈக்விரஸ் கேப்பிட்டல் லிமிடெட் (முன்னர் ஈக்விரஸ் கேப்பிட்டல் பிரைவேட் லிமிடெட்) ஆகியவை புக்-ரன்னிங் லீட் மேனேஜர்களாகவும், MUFG இன்டைம் இந்தியா பிரைவேட் லிமிடெட் (முன்னர் லிங்க் இன்டைம் இந்தியா பிரைவேட் லிமிடெட்) இந்தச் சலுகையின் பதிவாளர்களாகவும் செயல்பட்டனர்.