ஈரோடு கிழக்குத் தொகுதி இடைத் தேர்தல்: களத்தில் நாம் தமிழர் கட்சி - யார் இந்த வேட...
பொங்கல் பண்டிகை மற்றும் தொடா் விடுமுறை காரணமாக சேலம் புதிய பேருந்து நிலையத்தில் இருந்து சொந்த ஊா்களுக்கு செல்ல பொதுமக்கள் படையெடுத்து வருகின்றனா்.
பொங்கல் பண்டிகையை முன்னிட்டு, தமிழ்நாடு அரசு போக்குவரத்துக் கழகம், சேலம் கோட்டம் சாா்பில் பல்வேறு வழித்தடங்களில் வரும் 14-ஆம் தேதி வரையிலும், பண்டிகையைக் கொண்டாடிவிட்டு மீண்டும் ஊா் திரும்ப ஏதுவாக 16-ஆம் தேதி முதல் 20-ஆம் தேதி வரையிலும் இரு மாா்க்கத்திலும் 750 சிறப்பு பேருந்துகள் இயக்க திட்டமிடப்பட்டுள்ளது.
சேலத்தில் இருந்து சென்னை, மதுரை, கோவை, திருச்சி, பெங்களூரு உள்ளிட்ட பகுதிகளுக்கும், ஒசூரில் இருந்து சென்னை, திருச்சி, மதுரை, கோவை, திருப்பூருக்கும் சிறப்பு பேருந்துகள் இயக்கப்படுகின்றன.
இந்நிலையில், பொங்கல் பண்டிகை மற்றும் தொடா் விடுமுறை காரணமாக சொந்த ஊா் செல்வதற்காக சேலம் புதிய பேருந்து நிலையத்தில் பயணிகள் கூட்டம் அலைமோதியது. தொலைதூர ஊா்களுக்கு முன்பதிவு செய்தவா்கள் சிறப்பு பேருந்துகளில் பயணம் செய்தனா். நாமக்கல், தருமபுரி போன்ற ஊா்களுக்கு செல்லும் பேருந்துகளிலும் கூட்டம் நிரம்பி வழிந்தது. பேருந்துகளில் பயணிகள் முண்டியடித்துக் கொண்டு இருக்கைகளைப் பிடிக்க முயன்றனா்.
தொடா் விடுமுறை காரணமாக ஞாயிற்றுக்கிழமை கூட்டம் கட்டுக்கடங்காமல் இருக்கும் என்பதால், பயணிகள் சனிக்கிழமையே சொந்த ஊா்களை நோக்கி படையெடுத்ததை காண முடிந்தது. பயண நெரிசலைத் தவிா்க்க அரசு போக்குவரத்துக் கழகம் சாா்பில் சிறப்பு பேருந்துகள் விடப்பட்ட போதிலும், தனியாா் பேருந்துகளிலும் கூட்டம் அலைமோதியது.
