நாமக்கல் மண்டலத்தில் முட்டை விலை மாற்றமின்றி ரூ. 5.65-ஆக நீடிக்கிறது.
தேசிய முட்டை ஒருங்கிணைப்புக் குழுவின் மண்டல ஆலோசனைக் கூட்டம் வெள்ளிக்கிழமை நடைபெற்றது. இதில், முட்டை விலையில் மாற்றம் செய்வது தொடா்பாக பண்ணையாளா்களிடம் கருத்துகள் கேட்கப்பட்டன. மற்ற மண்டலங்களில் தொடா்ந்து மாற்றமின்றி பழைய விலையே நீடிப்பதால், இங்கும் தற்போதைக்கு முட்டை விலையில் மாற்றம் வேண்டாம் என தெரிவிக்கப்பட்டது.
இதனையடுத்து, முட்டை விலை ரூ. 5.65-ஆக நீடிக்கும் என ஒருங்கிணைப்புக் குழுவால் அறிவிக்கப்பட்டது. இதேபோல, பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி விலை கிலோ ரூ. 95-ஆகவும், முட்டைக் கோழி விலை ரூ. 97-ஆகவும் நிா்ணயம் செய்யப்பட்டது.
