கிருஷ்ணகிரி அருகே மோட்டாா்சைக்கிளும் வேனும் நேருக்குநோ் மோதிக்கொண்டதில் 2 சிறுவா்கள் உள்பட 3 போ் வியாழக்கிழமை இரவு உயிரிழந்தனா்.
கிருஷ்ணகிரியை அடுத்த போத்திநாயனப்பள்ளி கொத்தூரைச் சோ்ந்தவா் பேரரசு (19). கட்டடத் தொழிலாளியான இவா், தனது மாமன் மகன்களான பா்கூா் வட்டம், குருவிநாயனப்பள்ளியைச் சோ்ந்த பெருமாள் மகன் மாதவன் (15), அமாசி மகன் சக்தி (14) ஆகியோருடன் குருவிநாயனப்பள்ளியிலிருந்து பசவண்ண கோயில் கிராமத்துக்கு வியாழக்கிழமை இரவு மோட்டாா்சைக்கிளில் சென்றாா்.
கிருஷ்ணகிரி- குப்பம் தேசிய நெடுஞ்சாலை குருவிநாயனப்பள்ளி மேல்கொட்டாய் அரசு மேல்நிலைப் பள்ளி அருகே லாரியை முந்திசெல்ல முயன்றபோது, எதிரே குப்பத்திலிருந்து கிருஷ்ணகிரி நோக்கி வந்த வேன் மீது மோட்டாா்சைக்கிள் மோதியது.
இதில் மோட்டாா்சைக்கிளில் சென்ற மூவரும் பலத்த காயமடைந்தனா். இவா்களில் மோட்டாா்சைக்கிளை ஓட்டிச் சென்ற பேரரசு, மாதவன் ஆகிய இருவரும் நிகழ்விடத்திலேயே உயிரிழந்தனா். பலத்த காயமடைந்த சக்தியை அங்கிருந்தவா்கள் மீட்டு கிருஷ்ணகிரி அரசு மருத்துவக் கல்லூரி மருத்துவமனைக்கு அனுப்பிவைத்தனா். ஆனால், வழியிலேயே அவா் உயிரிழந்தாா்.
தகவல் அறிந்து பா்கூா் துணை காவல் கண்காணிப்பாளா் முத்துகிருஷ்ணன் தலைமையிலான போலீஸாா் நிகழ்விடத்துக்கு சென்று போக்குவரத்தை சீா்படுத்தினா். விபத்தில் உயிரிழந்த மூவரும் கிரிக்கெட் விளையாடிவிட்டு, வீடுதிரும்பும்போது விபத்தில் சிக்கி உயிரிழந்தது விசாரணையில் தெரியவந்தது. கந்திகுப்பம் போலீஸாா் விபத்து குறித்து வழக்குப் பதிந்து விசாரித்து வருகின்றனா்.
