'குட் நியூஸ்' போருக்கு முந்தைய 'அதே அளவில்' கச்சா எண்ணெய் ஏற்றுமதிகள்! சவூதியின் 2 முக்கிய நகர்வுகள்

நேற்று சர்வதேச சந்தையில் WTI கச்சா எண்ணெயின் விலை ஒரு பீப்பாவிற்கு 89 டாலர் என்று வர்த்தகமானது. Brent கச்சா எண்ணெய் ஒரு பீப்பாவிற்கு 102 டாலர் என்று வர்த்தகமானது.

இதில் WTI கச்சா எண்ணெய் முன்பு 90 டாலருக்கு மேல் வர்த்தகமாகிக் கொண்டிருந்தது. Brent கச்சா எண்ணெய் 105 டாலருக்கு மேல் வர்த்தகமாகிக் கொண்டிருந்தது.

குட்... ஹேப்பி நியூஸ்

இந்த விலைக் குறைவிற்கு மத்திய கிழக்குப் பகுதியிலிருந்து வந்த ‘குட்... ஹேப்பி நியூஸும்’ மிக முக்கிய காரணம்.

ப்ளூம்பெர்க் அறிக்கையின்படி, மத்திய கிழக்கிலிருந்து ஏற்றுமதி செய்யப்படும் கச்சா எண்ணெயின் விலை பிப்ரவரி மாதத்தின் கடைசியில் ஈரான் போர் தொடங்குவதற்கு முன்பு எந்த அளவில் இருந்ததோ, கிட்டத்தட்ட அதே அளவு ஏற்றுமதியை எட்டிவிட்டது.

தற்போது மத்திய கிழக்கு நாடுகள் நாள் ஒன்றுக்கு 17.5 மில்லியன் பேரல்கள் கச்சா எண்ணெயை ஏற்றுமதி செய்கின்றன.

இது போருக்கு முந்தைய அளவின் 98 சதவிகிதம் ஆகும்.

பெட்ரோல், டீசல் போன்ற சுத்திகரிக்கப்பட்ட பொருள்களின் விநியோகம் ஒரு நாளுக்கு 30 லட்சம் பேரலாக உள்ளது.

இது போருக்கு முந்தைய அளவின் 58 சதவிகிதம் ஆகும்.

கடந்த 10 நாள்களின் சராசரிப்படி, மத்திய கிழக்கிலிருந்து விநியோகிக்கப்படும் கச்சா எண்ணெயின் அளவு 2025-ம் ஆண்டின் 89 சதவிகிதத்தை ஒத்துப்போகிறது.

இந்த எண்கள் ஜே.பி.மோர்கன் சேஸ் அண்ட் கோ வெளியிட்டுள்ள தரவுகள் ஆகும்.

சவூதி அரேபியாவின் இரண்டு முக்கிய காரணங்கள்...

இந்த ஏற்றுமதியில் சவூதி அரேபியாவின் இரண்டு முக்கிய பங்குகள் உள்ளன.

ஒன்று, செப்டம்பர் மாதத்தின் தொடக்கத்தில், செங்கடல் துறைமுகங்களுக்கு எண்ணெயைக் கொண்டுசெல்லும் சவூதி அரேபியாவின் குறுக்கே ஓடும் கிழக்கு-மேற்கு குழாய் தாக்குதலில் பாதிக்கப்பட்டது.

இப்போது அதைப் பாதியை சரிசெய்துவிட்டது சவூதி அரேபியா.

அடுத்ததாக, சவூதி அரேபியா தலைமையின் கீழ், ஹார்முஸ் நீர்ச்சந்தி வழியிலான கச்சா எண்ணெயின் நகர்வுகள் கடந்த ஜூன் மாதத்தின் இறுதியில் பதிவான அதிகபட்ச அளவை எட்டியுள்ளது.

கடந்த ஜூன் மாதம் நாள் ஒன்றுக்கு 13 மில்லியன் பேரல்கள் அதிகபட்சமாக ஹார்முஸ் நீர்ச்சந்தியைக் கடந்துள்ளது.

சவூதி அரேபியாவின் இந்த இரண்டு காரணங்களால்தான் கச்சா எண்ணெய் ஏற்றுமதி முற்றிலும் அதிகரித்துள்ளது என்று கூற முடியாது.

ஆனால், இவையும் முக்கிய காரணங்கள்.!