"தங்கத்தை விட தரமான பால் தான் தேவை.!"- தாய்மாமன் தங்க மோதிரம் திட்டம் குறித்து தமிழிசை

தாய்மாமன் தங்க மோதிரம் திட்டத்தின் கீழ் சுமார் 1.28 லட்சம் குழந்தைகளுக்கு இன்று (செப். 28) தங்க மோதிரம் வழங்கப்பட உள்ளது.

ஜூன் 22 முதல் செப்.27வரை பிறந்த குழந்தைகளுக்கு 102 மையங்கள் மூலம் தங்க மோதிரம் வழங்கப்பட இருக்கிறது.

மோதிரம் பெறுவதற்கான அடையாள அட்டை, மருத்துவ அலுவலர்களால் குழந்தைகளின் பெற்றோருக்கு தரப்பட்டுள்ளது.

செப்.28 முதல் பிறக்கும் குழந்தைகளுக்கு அந்தந்த அரசு மருத்துவமனையிலேயே தங்க மோதிரம் வழங்கப்பட உள்ளது.

ஆண்டுதோறும் சுமார் 4.41 லட்சம் குழந்தைகளுக்கு ஒரு கிராம் தங்க மோதிரம் வழங்கப்பட இருப்பதாக தவெக அரசு அறிவித்திருக்கிறது.

இந்நிலையில் தவெக அரசின் இந்தத் தங்க மோதிரத் திட்டத்தை தமிழிசை சௌந்தரராஜன் விமர்சித்திருக்கிறார்.

இதுதொடர்பாக அவர் வெளியிட்டிருக்கும் பதிவில், " தங்க மோதிரம் கொடுக்கப் போகிறீர்கள்..

தரமான பாலுக்கான தட்டுப்பாடை எப்பொழுது சரி செய்யப் போகிறீர்கள். தங்கத்தை விட தரமான பால் தான் குழந்தைகளுக்கு இன்றைய தேவை.

சென்னை மக்களின் தேவை 30 லட்சம் லிட்டர்கள் ஆனால், 14.5 லட்சம் லிட்டர்கள்தான் ஆவின் விநியோகிக்கிறது.

தங்க மோதிரத்தை விட தங்களது தேவை இன்று பால்தான் என்று குழந்தைகள் சொல்லாமல் சொல்லிக் கொண்டிருக்கிறார்கள்" என்று பதவிட்டிருக்கிறார்.