மின்னணுப் பெட்டி முதல் மக்கள் மன்றம் வரை: தேர்தல் அனுபவங்கள்

அன்புள்ள வாசகர்களே,

ஜனநாயகம் என்னும் ஆலமரத்தின் வேராக இருப்பது தேர்தல். ஒரு நாட்டின் எதிர்காலத்தை நிர்ணயிக்கும் இந்த மாபெரும் நிகழ்வு குறித்து உங்கள் மனதில் எழும் ஆழமான சிந்தனைகள், அனுபவங்கள் மற்றும் கருத்துகளை எழுத்து வடிவில் கொண்டுவர விகடன்.காம் உங்களை அன்புடன் அழைக்கிறது!

எழுத வேண்டிய களம் எது?

'தேர்தல்' என்னும் ஒற்றைத் தலைப்பின் கீழ், நீங்கள் எந்தக் கோணத்திலும் பயணிக்கலாம். பின்வரும் தலைப்புகளில் ஏதேனும் ஒன்றைத் தேர்ந்தெடுத்து உங்கள் கட்டுரையைப் பதிவு செய்யலாம்:

தேர்தல் வரலாறும் அரசியலும்: இந்தியத் தேர்தல்கள், தமிழக அரசியல் கட்சிகளின் தேர்தல் வரலாறு, அவற்றின் கொள்கைகள் குறித்த உங்கள் நடுநிலையான பார்வை.

நடைமுறைகளும் வழிமுறைகளும்:

மின்னணு வாக்குப்பதிவு இயந்திரங்கள் (EVM), தேர்தல் விதிமுறைகள், 'நோட்டா' (NOTA) உள்ளிட்ட தேர்தல் முறைகள் குறித்த ஆய்வுகள்.

நினைவலைகளும் அனுபவங்களும்:

உங்கள் முதல் வாக்களிப்பு அனுபவம், மறக்க முடியாத சுவாரஸ்யமான தேர்தல் நினைவுகள், உங்கள் ஊரின் தேர்தல் சூழல்.

வாக்காளரின் எதிர்பார்ப்பு:

இன்றைய வாக்காளர், இளைஞர்கள் தேர்தலைப் பார்க்கும் விதம், தேர்தல் பிரசாரங்கள் குறித்த உங்கள் கருத்து.

கட்டுரையைச் சமர்ப்பிப்பதற்கான வழிமுறைகள்

கண்ணியம் காக்க: உங்கள் கட்டுரை நாகரிகமான, கண்ணியமான நடையில் அமைய வேண்டும். தனிநபர் விமர்சனங்கள், தரம் தாழ்ந்த சொற்கள், வன்முறையைத் தூண்டும் கருத்துகளைத் தவிர்க்கவும். உங்கள் கருத்துக்கள் ஆதாரங்களின் அடிப்படையிலும், ஆரோக்கியமான விவாதத்தை ஏற்படுத்தும் வகையிலும் இருக்க வேண்டும்.

உங்கள் கட்டுரையை, உங்கள் முழுப் பெயர், முகவரி, தொலைபேசி எண்ணுடன் ஒரு Word File ஆக தயார் செய்து, கீழே கொடுக்கப்பட்டுள்ள மின்னஞ்சல் முகவரிக்கு அனுப்பவும்.

கட்டுரைகள் அனுப்ப வேண்டிய மின்னஞ்சல் முகவரி:

my@vikatan.com

தேர்ந்தெடுக்கப்படும் தரமான, வீரியமான படைப்புகள் விகடன்.காம் இணையதளத்தில் உங்கள் பெயருடன் வெளியிடப்படும்.

உங்கள் ஆக்கப்பூர்வமான பங்களிப்பை ஆவலுடன் எதிர்பார்க்கிறோம்.

விகடனில் உங்களுக்கென ஒரு பக்கம்...

உங்கள் படைப்புகளைச் சமர்ப்பிக்க - my@vikatan.com என்ற மின்னஞ்சலுக்கு அனுப்புங்கள்!

ஏதோ ஓர் ஊரில், எங்கோ ஒரு தெருவில் நடந்த ஒரு விஷயம்தான் உலகம் முழுக்க வைரலாகிறது. உங்களைச் சுற்றியும் அப்படியொரு வைரல் சம்பவம் நடந்திருக்கலாம்... நடந்துகொண்டிருக்கலாம்... நடக்கலாம்..! அதை உலகுக்குச் சொல்வதற்காகக் களம் அமைத்துக் கொடுக்கிறது #MyVikatan. இந்த எல்லையற்ற இணையவெளியில் நீங்கள் செய்தி, படம், காணொளி, கட்டுரை, கதை, கவிதை என என்ன வேண்டுமானாலும் எழுதலாம். ஃமீம்ஸ், ஓவியம் என எல்லாத் திறமைகளையும் வெளிப்படுத்தலாம்.