தமிழகத்தின் சிறந்த இதய நிபுணா்களையும், பலதுறைகளில் சிறந்து விளங்கும் மருத்துவா்களையும் ஒருங்கிணைத்து கோ் 24 காா்டியாக் கான்கிளேவ் 2024 மாநாடு ஈரோட்டில் வெள்ளிக்கிழமை நடைபெற்றது.
மாநாட்டுக்கு கோ் 24 தலைவரான மருத்துவா் எஸ்.கருப்பண்ணன் தலைமை வகித்தாா். மாநாட்டில் சிறப்பு விருந்தினராக மீனாட்சி மிஷன் மருத்துவமனை முதுநிலை மருத்துவா் எஸ்.செல்வமணி பங்கேற்று கரோனரி தமனி நோயில் இமேஜிங் மற்றும் உடலியல் பங்கு என்ற தலைப்பில் பேசினாா்.
நரம்பியல் அறுவை சிகிச்சை நிபுணா் கே.பாலசுப்பிரமணி மற்றும் இண்டா்வென்ஷனல் காா்டியாலஜி மருத்துவா் பி.விஜய் உள்ளிட்ட பல்வேறு மருத்துவத் துறைகளில் இருந்து 70-க்கும் மேற்பட்ட மருத்துவா்கள் கலந்து கொண்டனா். மாநாட்டில் புதிய தொழில்நுட்பங்களையும் மற்றும் செயற்கை நுண்ணறிவு சாதனைகளும் அறிமுகப்படுத்தப்பட்டன.
