சமூக வலைதளத்தில் அவதூறு: பாஜக உறுப்பினா் கைது

மதக் கலவரத்தை தூண்டும் வகையில் சமூக வலைதளத்தில் விடியோ பதிவிட்ட பாஜக உறுப்பினரை போலீஸாா் கைது செய்தனா்.

ஈரோடு மாவட்ட காவல் அலுவலகத்தில் திராவிடா் விடுதலைக் கழகத்தின் மாநில அமைப்புச் செயலாளா் ரத்தினசாமி தலைமையில் நிா்வாகிகள் கடந்த 28 -ஆம் தேதி புகாா் மனு அளித்தனா்.

அதில், பாஜக உறுப்பினா் ஸ்ரீதா் (51) என்பவா் சமூக வலைதளத்தில் இஸ்லாமியா்கள் குறித்து மதக் கலவரத்தை தூண்டும் வகையில் பேசி விடியோ பதிவிட்டுள்ளாா். அவரது கருத்து ஜாதி, மதக் கலவரத்தை ஏற்படும் வகையில் உள்ளது. அவா் மீது உரிய நடவடிக்கை எடுக்க வேண்டும் எனத் தெரிவிக்கப்பட்டிருந்தது.

இதன்பேரில் ஈரோடு டவுன் போலீஸாா் விசாரணை நடத்தி கவுந்தப்பாடி அய்யம்பாளையத்தைச் சோ்ந்த பாஜக உறுப்பினா் ஸ்ரீதா் மீது 3 பிரிவுகளின்கீழ் வழக்குப் பதிவு செய்து அவரைக் கைது செய்தனா். மேலும், அவரை நீதிமன்றத்தில் ஆஜா்படுத்தி ஈரோடு கிளைச் சிறையில் அடைத்தனா்.